Ajab Pagal Si Larki Hay

[Raygistaan]

AJAB PAGAL SI LARKI HAY

Ajab pagal si larki hay

Mujhay har khat mein likhti hay

Mujhay tum yaad kartay ho?

Tumhain main yaad ati hun?

Meri batein sttati hein

Meri neendein jagati hein?

Meri aankhein rulati hein?

December ki sunehri dhoop mein ab bhi tehaltay ho?

Kesi khamoosh rastay say koi awaaz ati hay?

Thetharti sard raton mein tum ab bhi chat pay jatay ho?

Falak kay sab sitaron ko meri batein sunatay ho?

Kitabon say tumharay ISHQ mein koi kami aie?

Ya meri yaad ki shidat say aankhon mein nami aie?

Ajab pagal si larki hay

Mujhay har khat mein likhti hay

Jwaban usko likhta hun

Meri masrofiyat dekho

Subha say shaam office mein

Charaag-e-umar jalta hay

Phir us kay baad dunya ki

Kai majboriyan paoun mein beariyan daal rakhti hein

Mujhay bay fikar chahat say bhalay sapnay nahi dikhtay

Tehalnay, Jaagnay, Roonay ki mohlat hi nahi milti

Sitaron say milay arsaa hua, Naraaz hon shaed

Kitabon say shelf mera, Abhi wesay hi qaeim hay

Farq itna para hay ab

Unhein arsay mein parhta hun

Tumhein kis nay kaha pagli

Tumhein main yaad karta hun

Main khud ko bhulanay ki musalsal justajo mein hun

Tumhein na yaad anay ki musalsal justajo mein hun

Magar yeh justajo meri bohat nakam rehti hay

Meray din raat mein ab bhi

Tumhari shaam rehti hay

Meray lafzon ki har malaa

Tumharay naam rehti hay!!!

Tumhein kis nay kaha pagli

Tumhein main yaad karta hun

Purani baat hay jo log aksar gungunaatay hein

Unhein hum yaad kartay hein jinhein hum bhool jatay hein

Ajab pagal si larki hay!!

Meri masrofiyat dekho

Tumhein dill say bhulaon to tumhari yaad aye na

Tumhein dill say bhulanay ki mujay fursat nahi milti

Aur es musroof jeevan mein

Tumharay khat ka ek jumla

Tumhein main yaad ati hun?

Meri chahat ki shidat mein kami honay nahi deta

Bohat ratein jagata hay mujay soonay nahi deta

So agli baar Khat mein yeh jumla nahi likhna

Ajab pagal si larki hay

Mujhay phir bhi yeh likhti hay

Mujhay tum yaad kartay ho?

Tumhein main yaad ati hun?

[Aisha Baig]

achy hy niceeeeeeeeeeee

[Raygistaan]

thanx angel.......

[~ jOgii ~]

Umda SharinG
.,.,.,.,.,.,.,.

[imported_a_khan]

Umda SharinG


.,.,.,.,.,.,.,.

hello
salam
how r u?
00966509686498
:jin2

[xishan]

ZABARDAST
AMAZINGGGGG
WAAAAAAAAH

[aliza rizvi]

gr8 yr aap jaise logo ki wajah se hum ye site use karte hai zabardast

[Raygistaan]

es qadar hosla afzai ka bohaaaaaaat shukriya sada khush raho ap sab log>>>>. AMEEN

[amaiir]

bahot khoob raygistaan ......................

[khurram_83pk]

Wah!.................