Dedicate Nazam 2 Anyone u want ...

[I Am In Love]

Yaad Kay Naam




Jins Dunya Say Guzar Jatay Hain








1) Jins Dunya Say Guzar Jatay Hain
Aisa Kartay Hain Keh Mar Jatay Hain
Kesay Hotay Hain Bicharnay Walay
Hum Ye Sochay Bhi Tu Dar Jatay Hain


2) Dil Jo Tootay Tu Sar Mahfil Main
Baal Be-Waja Bikhar Jatay Hain
Ab Na Dekho Meri Banjer Aankhon Main
Chartay Darya Tu Utar Jatay Hain


3) Dhoop Ka Roop Rachanay Walay
Shaam Ko Or Nikhar Jatay Hain
Ab Na Murr Murr Kay Pukaar Kaarwaan Ko
Log Rastay Main Thehar Jatay Hain


4) Khulay Daaman Say Shekayat Kesi
Ashq Aankhon Main Tu Bhar Jatay Hain
Tum Kaha Jao Gay Socho Mohsin
Log Thak Haar Kay Ghar Jatay Hain
[ Moshin Naqvi ]

[I Am In Love]

You Kay Naam





Bas Inta Yaad Hay





Dua Tu Janay Koon See Thi
Zehan Main Nahi
Bas Itna Yaad Hay
Keh Do Hatheliyaan Mili Hoii Thin
Jin Main Ak Meri Thi
Or Ak Tumhari



[ Perveen Shaker ]

[I Am In Love]

Shaz Kay Naam



Ahsaas -e- Tanhaii





1) Wo Ratain Musam Sarma Ke
Wo Batain Musam Sarma Ke
2) Wo Teray Sath He Sab Kuch Tha
Wo Sarma Bhi Ab Beet Gia
3) Wo Darr Darr Kay Jab Miltay Thay
Wo Mil Mil Kay Jab Dartay Thay
4) Wo Milnay Ke Qasmain Kha Kha Kar
Ham Jeetay Thay Ham Martay Thay
5) Ab Yaad Delayay Koon Tumhay
Yah Saal Bhi Aakher Beet Gia
6) Na Tum Aayay Na Khat Koee Likha
Pura Kia Na Wada Koee
7) Or Apna Bhi Koee Dosh Nahi
Yah Baazi Bhi Jag Jeet Gia
8) Wo Sard Hawaen Ab Bhi Hain
Rangeen Fizaen Ab Bhi Hain
9) Wo Bhegay Bhegay Pani Ke
Pur Shour Dadaen Ab Bhi Hain
10) Main Ab Bhi Udhar Ko Jata Hoon
Or Dil Apna Sulgata Hoon
11) Jab Tum Nahi Hotay Sath Meray
Hotay Hain Khale Hath Meray
12) Pur Shoor Sadaen Puchte Hain
Wo Sard Hawaen Puchte Hain
13) Wo Kaha Gia Sathi Tera
Kia Pher Yah Zamana Jeet Gia

[I Am In Love]

You Kay Naam





Dil Ka Rishta






Mana Keh Mumkin Nahi

Milan Apna

Per

Is Umeed Pay Bandha Hay

Tum Say

Dil Ka Rishta

Shayed Keh

Judaii Likhtay Samay

Dil Bhar Aaye

Katib -e- Taqdeer Ka

[I Am In Love]

Har Us Ajnabi Kay Naam .......... Jo Sath Nahi Chaltay ..






Saath Tu Ajnabhi Bhi Chaltay Hain







Us Nay Mujh Say Kaha
Meray Sathi !
Tum Ko Mujh Say Jo Hai Gela , Kia Hai ?
Kabhi Fursat Melay Tu Yeh Socho ,
Manzelain Kyun Hain ! Fasala Kia Hay
Apnay Apnay Safer Pay Neklay Log
Mushtarik Raston Pay Chaltay Hain
Humrahi Kay Hisaar Main Jitnay
Din Nikaltay Hain Charag Jaltay Hain
Sab Ki Aankhon Main Jhilmilatay Hain
Apni Apni Umeed Kay Dar o Baam
Zindagi Kay Safer Main Miltay Hain
Mustaqil Dard , Aarzi Aaram
Tum Meray Humsafer Ho Tu Lakin
Hum Kahi Say Bichar Bhi Saktay Hain
Dair Tak Ak Taweel Rastay Per
Saath Tu Ajnabi Bhi Chaltay Hain




[ Amjad Islam Amjad ]

[I Am In Love]

Zindagi Kay Naam




Aaj Ki Shab Tu Kesi Torr Guzar Jaye Gi







Aaj Ki Shab Tu Kesi Torr Guzar Jaye Gi
Raat Gehri Hay Mager Chaand Chamakta Hay Abhi
Meray Mathay Pay Tera Pyaar Damakta Hay Abhi
Meri Saans Main Tera Lamis Mehakta Hay Abhi
Meray Seenay Main Teran Naam Dharakta Hay Abhi
ZeesT Karnay Ko Meray Pass Bohat Kuch Hay Abhi
Aaj Ki Shab Tu Kesi Tour Guzar Jaye Gi




Teri Aawaz Ka Jadu Hay Abhi Meray Liye
Teray Malboos Ki Khushboo Hay Abhi Meray Liye
Teri Bahain, Tera Pehloo Hay Abhi Meray Liye
Sab Say Bhar Kar Meri Jaan Tu Hay Abhi Meray Liye
ZeesT Karnay Ko Meray Pass Bohat Kuch Hay Abhi
Aaj Ki Shab Tu Kesi Tour Guzar Jaye Gi




Aaj Kay Baad Mager Rang -e- Wafa Kia Ho Ga
Ishq Hairan Hay Sar -e- Shaher -e- Saba Kia Ho Ga
Meray Qatil ! Tera Andaz -e- Jafa Kia Ho Ga
Aaj Ki Shab Tu Bohat Kuch Hay, Mager Kal Kay Liye
Ak Andesha -e- Be Naam Hay Or Kuch Bhi Nahi
Dekhna Yeh Hay Keh Kal Tujh Say Mulaqat Kay Baad
Rang -e- Umeed Khilay Ga Keh Bikhar Jaye Ga !
Waqt Parwaaz Karay Ga Keh Thehar Jaye Ga !
Jeet Ho Jaye Gi Ya Khail Bigar Jaye Ga !
Khowab Ka Shaher Rahay Ga Keh Ujar Jaye Ga !

[I Am In Love]

You Kay Naam






" Bas Itna Kehna "







1) Mujhay Bas Itna Kehna Hay , Kabhi Main Yaad Aao Tu
Kabhi Tanhaii Ki Raatein , Tumhay Ziada Satayein Tu
2) Kabhi Tetlee Na Bolay Tu , Or Jugnoo Lout Jaye Tu
Kabhi Jab Dil Bhi Bhar Jaye , Koii Jab Sun Na Paaye Tu
3) Kabhi Jab Dost Sathi Bhi Jo Tum Say Routh Jaein Tu
Kabhi Jab Khud Say Lar Kar Thakaan Say Chorr Ho Jao Tu
4) Kabhi Chaltay Howay Bhi Khud Akelay Ro Na Pao Tu
Apni Aankhon Ko Band Karna Mujhay Aawaz Day Dena
5) Pher Meray Tasewer Say Jo Chahay Baatein Keh Dena
Meray Kandhay Per Sir Rakh Kar Tum Jitna Chahay Ro Laina
6) Jab Main Khud Lout Jaoon Tu Apni Dunya Chalay Jana
Keh Jab Bhi Dukh Ya Khushyon Main
7) Humay Dil Say Pukaro Gaye
Humay Tum Saath Pao Gaye




[ M.Yousuf ]

[I Am In Love]

Saba Kay Naam






Ager Tum Chaho Tu




1)

Ager Tum Chaho Tu Main Bhatakti See Kali
Keh Jis Ki Khushboo Say Bekhartay Ho Subh o Roshan
Keh Jis Kay Rang Say Dhanak Ka Sa Gumaan Hota Ho
Keh Jis Kay Qurb Ki Bhanwaron Ko Ho Aarzo -e- Hayaat
Shama Kay Gird Be- Chain Patingon Ki Tarah


2)

Ager Tum Chaho Tu Faqat Aarzoo Ho Jaoon
Keh Jis Main Mangnay Walay Kay Sabhi Andaz -e- Sukhan
Hurf Hurf Ko Qbooliyat Ki Dua Detay Hoon
Keh Falak Say Gir Gir Setaray Teray Qadmon Main
Pehloo -e- Gulab Ous Qatron Ki Ada Detay Hoon


3)

Ager Tum Chaho Tu Main Rang o Alam Ki Seyahi Hi Sahi
Adhori Aankhon Main Behtay Aansoo Aansoo
Charag Roshan Main Sulagti Qatra Qatra
Nain Bay Taab Ki Shuaoon Main Koii Koii
Zindagi Kay Andheron Say Jagi Hoii


4)

Ager Tum Chaho Tu ...........
Jo Tum Chaho Tu Main Faqat Tumharay Liye
Khushi Kay Rang Main Nehaii Ter o Taza Dhanak
Machalti Subho Ki Behaktay Kirno Kay Saath
Dhalakti Shamon Kay Madham Setaron Ka Aks

5)

Chaho Tum Tu Dhoop Jalay Sawan Manind
Bheegi Palkon Dasht .... Darya Ho Jaoon
Falak Say Girtay Musafat ... Hijar Say Choor Hoii
Darya -e- Wasal Teray Sahilon Pay Kho Jaoon




[ Saira Junaid ]

[I Am In Love]

You Kay Naam




Jab Teray Shaher Say Guzarta Hoon






1)



Kis Tarah Roukta Hoon Ashkon Ko
Kis Tarah Dil Peh Jaber Karta Hoon
Aaj Bhi Kaar Zaar Hasti Main
Jab Teray Shaher Say Guzarta Hoon



2)


Is Qder Bhi Nahi Mujhay Maloom
Kis Muhallay Main Hay Makaan Tera
Koun See Shaakh Gul Peh Raqsaan Hay
Janay Kin Wadiyon Main Thehra Hay
Gairat Husan, Karwaan Tera
Kis Say Puchon Ga Main Khaber Teri
Koun Bat-laye Ga Nishaan Tera
Teri Ruswaiyon Say Darta Hoon
Jab Teray Shaher Say Guzarta Hoon



3)


Ashk Palkon Pay Nahi Aa Saktay
Dil Main Hay Teri Aarzoo Ab Bhi
Tujh Say Roshan Hay Kainat Teri
Teray Joway Hain Chaar Soo Ab Bhi
Apnay Ghum Khan -e- Takhneel Main
Tujh Say Hoti Hai Guftagoo Ab Bhi
Main Tu Mushkil Say Aah Bharta Hoon
Jab Teray Shaher Say Guzarta Hoon



4)


Lakin Ay Sakin -e- Hareem Khayal
Yaad Hay Dorr -e- Kaif -o- Kam Keh Nahi
Kia Kabhi Teray Dil Pay Guzra Hay
Meri Mahromiyon Ka Ghum Keh Nahi
Meri Barbadiyon Ka Sun Kar Haal
Teri Aankh Hoii Hay Num Keh Nahi
Or Is Kaar Zaar -e- Hasti Main
Phir Kabhi Mil Sakay Gay Hum Keh Nahi
Dartay Dartay Sawal Karta Hoon
Jab Teray Shaher Say Guzarta Hoon

[I Am In Love]

Saba Kay Naam





Tum Udaas Ho !!!







Raat Ko Chaand Taroon Say Baatein Mat Kia Karo
Phoolon Ko Dekh Kar Mat Chuma Karo
Koii Tabiyat Ka Puchay Tu Mousam
Kay Baray Main Mat Bataya Karo
Kagaz Per Aari Tirchi Lakeerain Mat Khancha Karo
Warna .........................
Warna Log Kahay Gaye
Tum Udaas Ho.......... !!!