der lagii aane me.n tum ko shukr hai phir bhii aaye to

[sufiyana]

der lagii aane me.n tum ko shukr hai phir bhii aaye to


der lagii aane me.n tum ko shukr hai phir bhii aaye to
aas ne dil kaa saath na chho.Daa vaise ham ghabaraaye to

shafaq dhanak mah_taab ghaTaaye.n taare naGme.n bijalii phuul
us daaman me.n kyaa kyaa kuchh hai vo daaman haath me.n aaye to

chaahat ke badale me.n ham to bech de.n apanii marzii tak
ko_ii mile to dil kaa gaahak ko_ii hame.n apanaaye to

kyuu.N ye mihr_angez tabassum madd-e-nazar jab kuchh bhii nahii.n
haaye agar ko_ii anjaan agar is dhoke me.n aa jaaye to

sunii sunaa_ii baat nahii.n hai apane uupar biitii hai
phuul nikalate hai.n sholo.n se chaahat aag lagaaye to

jhuuTh hai sab taariiKh hameshaa apane ko dohoraatii hai
achchhaa meraa Khvaab-e-javaanii tho.Daa saa doharaaye to

naadaanii aur majabuurii me.n yaaro kuchh to farq karo
ek bebas insaan kare kyaa TuuT ke dil aa jaaye to


</PRE>ANDLEEB SHADANI

[HG_Lover]

bhot umdhaa hay janab

[Jaana]

V Nice..................... .....

[Tanya786]

<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY> <TR height="100%" UNSELECTABLE="on" width="100%"><TD id=HB_Focus_Element vAlign=top width="100%" background="" height=250 UNSELECTABLE="off">
Bohat khoob janab!
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

[khan_khan9116]

Bohat khoob........