gaye dino.n kaa suraaG lekar kidhar se aayaa kidhar gayaa vo

[washma]

gaye dino.n kaa suraaG lekar kidhar se aayaa kidhar gayaa vo
ajiib maanuus ajanabii thaa mujhe to hairaan kar gayaa vo

Khushii kii rut ho ke Gam kaa mausum nazar use Dhuu.NDhatii hai har dam
vo buu-e-gul thaa ke naGmaa-e-jaan mere to dil me.n utar gayaa vo

vo maikade ko jagaanevaalaa vo raat kii niind u.Daanevaalaa
na jaane kyaa us ke jii me.n aa_ii ki shaam hote hii ghar gayaa vo

kuchh ab sambhalane lagii hai jaa.N bhii badal chalaa rang aasmaa.N bhii
jo raat bhaarii thii Tal ga_ii hai jo din ka.Daa thaa guzar gayaa vo

shikastaa_paa raah me.n kha.Daa huu.N gaye dino.n ko bulaa rahaa huu.N
jo qaafilaa meraa ham_safar thaa misl-e-gard-e-safar gayaa vo

bas ek manzil hai bul_havas kii hazaar raste hai.n ahal-e-dil ke
ye hii to hai farq mujh me.n us me.n guzar gayaa mai.n Thahar gayaa vo

vo jis ke shaane pe haath rakh kar safar kiyaa tuune mannzilo.n kaa
terii galii se na jaane kyuu.N aaj sar jhukaaye guzar gayaa vo

vo hijr ki raat kaa sitaara vo ham_nafas ham_suKhan hamaaraa
sadaa rahe us kaa naam pyaaraa sunaa hai kal raat mar gayaa vo

bas ek motii sii chhab dikhaakar bas ek miiThii sii dhun sunaa kar
sitaaraa-e-shaam ban ke aayaa barang-e-Khayaal-e-sahar gayaa vo

na ab vo yaado.n kaa cha.Dhataa dariyaa na fursato.n kii udaas barkhaa
yuu.N hii zaraa sii kasak hai dil me.n jo zaKhm gaharaa thaa bhar gayaa vo

vo raat kaa benavaa musaafir vo teraa shaayar vo teraa 'Saqib'
terii galii tak to ham ne dekhaa phir na jaane kidhar gayaa vo

[Withoutsoul]

BOHT KHOOOOOOOOOOOOOOOOOB..... ..

[~*~Shama-e-Mehfil~*~]

NICE SHARING ............:good

[washma]

BOHT KHOOOOOOOOOOOOOOOOOB..... ..

:flower3 thnx:flower3

[washma]

NICE SHARING ............:good

:flower3 thnx:flower3

[tauseef_khan]

very nice

thanx for sharing

@};-

[*~*SaEeDa FaRooQ sHaH*~*]

Niceeeeeeeeeeeeeeeeeeeeee ee

[imported_Sona]

nice 1........
lekin yeh kahan suna hai?

[washma]

very nice

thanx for sharing

@};-

:flower3 thnx :flower3

[washma]

nice 1........
lekin yeh kahan suna hai?

:flower3 thnx :flower3