Ghazal: Kya rah ke keejiiye Aalame na paayedaar main;

[Ram Mohandixit]

Kya rah ke keejiye aalame paayedar maein
Lagta nahin hai jee mera ujre dayaar mein.

Umre daraaz maang ke laaye the chaar din
do aarjoo maein kat gaye do intezaar mein.

Kahdo in hasraton se kahin aur jaa basen
itni jagen kahan hai dile daag daar mein.

Daala hain kis raqeeb ne shab ki gale mein haath
aati he hai booye gair is phoolon ke haar mein.

Kitna hai badnaseeb 'Jafer dafna ke liye
do gaz jameen bhi na mili kooye yaar mein

[*Mini*]

uff kia likh gaya hai shayar...meri taraf se starzz

Kitna hai badnaseeb 'Jafer dafna ke liye
do gaz jameen bhi na mili kooye yaar mein

[*sahar*]

very gud..................

[Sab_ka_pyara]

Bahadur shah zafar ki shahkar ghazal hai bhai
boht umda hai

lagataa nahii.n hai jii meraa uja.De dayaar me.n
kis kii banii hai aalam-e-naa_paayedaar me.n
kah do in hasarato.n se kahii.n aur jaa base.n
itanii jagah kahaa.N hai dil-e-daaG_daar me.n
umr-e-daraaz maa.Ng kar laaye the chaar din
do arazuu me.n kaT gaye do intazaar me.n
kitanaa hai bad_nasiib "Zafar" dafn ke liye
do gaz zamiin bhii na milii kuu-e-yaar me.n

[Ram Mohandixit]

Shukriya Friends, Minimini, Sahar
aur Sub-Ka-Pyara aapne is Jafer
saheb ki Ghazal ko tavajjo di aur
saraha. So Nice.