Guzrey Lamhon Ki....

[almas hamid]

Woh Janti Thi
Wafaa Ka Ajar Nahi Hota
Muhabaton Main Sabar Ka Samar Nahi Hota
Woh Janti Thi
Muhabat Dukhon Ka Sehraa Hay
Jehan Serab Si Khushyan Hain
Aur Azaab Say Ghum
Jehan Hay Pyaas Judaai Ki Betahasha Magar
Milan Ki Barishain Hoti Hain Jis Dyar Main Kam
Woh Janti Thi
Muhabat Khiraj Mangti Hay
Woh Jis Ko Dil Ka Lahoo Day Kay Jagmagaya ho
Andheri Rah Kay Lya Woh Chiragh Mangti Hay
Woh Janti Thi
Muhabat Woh Rehguzar Hay Jehan
Bichay Hain Kaanch Judai Kay Beshumar magar
Brehna-pa hi Inhain Paar Kerna Perta Hay
Ghemon Ki Dhoop Main Jab Saibaan Koi Na Ho
Kisi Ki Yaad Ki Chader Ko Taan Ker Khud Per
Tamam Aahain Deba Ker Guzerna Perta Hay
Woh Janti Thi
Wafa Ka Ajar Nahi Hota
Muhabaton Main Saber Ka Samer Nahi Hota
Hijer Ki Rah Main Hoti Hay Betahashah ghutan
Wehan Kebhi Bhi hawa Ka Guzer Nahi Hota
Woh Janti Thi
Magar Phir Bhi Roag Lay Bethi
Kisi Kay Pyar Main Janay Kun Joag Lay Bethi
Woh Janti Thi Magr Phir Bhi

[almas hamid]

Guzre lamhoon ki ulji hui door k us taraf
khawab mere jahan mati main they
Baarshon ne wahan ghaas itni uga de
Koi rehnama si ilamat, nishani kuch bacha hi naheen
Kuch bacha hi naheen k kisi yaad ki
koy ulji hui gira kholty!

Woh sira dhundhty!
Eik bheidoon bhara aur zamanoon pe phela huwa
Woh sira dhundhty!
Jo kaheen khawab aur us ki thabir k darmiyan kho geya!

Ho chuki hain bohut hijar ki baarshain
Din bohut ja chuke!
khawab mere jahan dafan mati main hain
Ab wahan har taraf ghaas hi ghaas hay

Aur is ghaas main sarsarata huwa
Saanp sa eik dar hay,
kaheen yeh na ho!
Dhundty dhundty woh sira mil bhi jaey!
Woh girah khol bhi jaey!
Toh lamhon ki uljhi hui dour k us taraf
Kuch na ho......!!!

[faiza66]

Excellent Nazams Shared

Be hd Umda

Keep sharing