Hum na miltay to acha tha ........ !!

**painfull_relieve** · 06-12-2011,08:40 AM

Ay Jan-e-Jahaan ! Ye theek sahi
Hum qal'b-o-nazar mein aik huey
Hum do qalib, yak-jaan theh'ray
Hum jan-o-jigar mein aik huey
Ye milna bhi kia milna hai ?
Jab mil kar bhi ruswaa'i hai
Ye ulfat hai ya hum ne aik
Be-naam azeeiyat paa'i hai
Ye zakhm judaa'i kay janam
Gar na sil'tay to acha tha
Hum na miltay to acha tha

Is chahat kay chora'hay par
Hum par kitnay ilzaam huey
Hum gali gali ruswa thehray
Hum shehar shehar bad-naam huey
Jo raaz chhupaya tha dil mein
Us raaz kay char'chay aaam huey
Sukh chain mila na duniya mein
Neelaam huey, naa-kaam huey
Ye phool hamari chahat kay
Gar na khil'tay to acha tha
Hum na miltay to acha tha

Ay kaash! Meray pyaray Sajan
Tum itnay sundar na hotay
Tum shama ban kar na aatay
Hum bhi parwanay na bantay
Kia behtar tha, lab sil jatay
Hum bol koi bhi na kehtay
Ay kaash! Hamaray Samnay Tum
Izhaar-e-Tamanna na kartay
Teray Phool say Laal Gulabi Lab
Jo na hil'tay to acha tha
Hum na miltay to acha tha ....... !!