Kisi Ko Udaas Dekh Kar

[Shagufta Basit]

As'salam o Alaikkum, apni aik bohat hi passandeeda nazm share kar rahi hon, aajizana darkhwast hay k is k aik aik lafz ko mehsoos kejeye ga, bakhuda bohat kamaal nazm hay
------------------

Tumhain udaas pata hoon main kai din sey
Na-jane koun sey sadmey utha rahi ho tum!
Wo shokhiyaa.n, wo tabas'sum, wo qehqahe na rahey
Har aik cheez ko hasrat sey deekhti ho tum
Chupa chupa k khamoshi main apni be-chaini
Khud apney raaz ki tash-heer ban gai ho tum

Meri umeed agar mit gai tu mitne do
Umeed kya hay? bas ik paish-o pass hay, kutch bhi nahi
meri hayaat ki ghamgeeniyoo.n ka gham na karo
gham-e hayaat gham-e yak-nafas hay, kutch bhi nahi!
tum apney husn ki ra'anaiyoo.n pe rehm karo
Wafa fareeb hay, tool-e hawis hay, kutch bhi nahi!

mujhe tumharey takhaful sey kyu shikayat ho
meri fana mere ahsaas ka taaza hay
main janta hoon duniya ka khouf hay tum ko
mujhe khabar hay ye duniya ajeeb duniya hay
Yahan hayaat k pardey main mout palti hay
shikast-e saaz ki aawaz roh- e- naghma hay!

mujhe tumhaari judaai ka koi ranj nahi
merey khayyal ki duniya main merey paas ho tum
ye tum nay theek kaha hay tumhain mila na karoon
magar mujhe ye bata do k kyu udaas ho tum?

khafa na hona meri jur'rat-e takhaatub per
tumhain khaber hay meri zindagi ki aas ho tum!!
magar Khuda k liye tum aseer-e gham na raho!
yahan pe koun howa hay kisi ka socho tu

mujhe kasam hay meri dukh bhari jawaani ki
main khush hoon, meri mohabbat kk phool thukra do!
main apni roh ki har ik khushi mita loon ga
magar tumhaari musar'rat mita nahi sakta
main khud ko mout k haathoon main sonp sakta hon
magar ye baar-e masaib utha nahi sakta!
tumhaarey gham k siwa aur bhi tu gham hain mujhe
nijaat jin sey maini lehza bhi paa nahi sakta!!

ye oonchey oonchey makanoo ki devriyoo.n k tale
har aik gaam pe bhoke bhikaariyoo.n ki sada
har aik ghar main hay iflaas aur bhook ka shor
har aik simt pe insaniyat ki aah-o baka
ye kaar-khaanoo.n main lohey ka shor-o ghul jin main
hay dafn laakhoo.n ghareeboo.n ki roh ka naghma
ye shah-rah'oo.n pe rang'geen saariyoo.n ki chamak
ye jhonproo.n main ghareeboo.n k be-kafan laashe
ye patriyoo.n pe ghareeboo.n k zard ro bachey
gali gali main ye bikte howe jawaa.n chehrey
Haseen aankhoo.n main afsurdagi si chaaii hoi

ye jang aur ye merey watan k shokh jawaa.n
khareedi jaati hain uth-ti jawaniyaa.n jin ki
ye baat baat pe qanoon -o- zabtey ki girift
ye zilatai.n, ye ghulaami, ye dour-e majboori
YE gham bohat hain meri zindagi mitane ko
UDAAS REH K MEREY DILL KO AUR RANg NA DO!!!!!!

----------
Sahir Ludhiyaanvi

[imported_Mehar]

nice sharing sis

[Shagufta Basit]

thank u sis

[Diya]

salaam shagufta aapi

bauhat hi achi choice hai

kuch rahain

[khuwaab]

nice choice jee

[Tishnagii]

UDAAS REH K MEREY DILL KO AUR RANg NA DO!!!!!!


Wah bohat khoob /weldone



thanx 4 sharing/rose

sada khush rahiye /flowers

[*mAnShA*]

@};- @};- @};-

[tauseef_khan]

aachi choice hai aap ki
@};-

[Amna]

buhat khoob

[~Aabju~]

Waaah Bouht khoobsoorat