Lafz "khat" par koi sher ya qit'a likhiye.....

[Zafar M]

Khutoot ka hum sabhi ki zindgi mai aik ahem maqaam hai........Yeh alag baat hai ke aajkal is e-mail aur phones ke zamaney mai khat likhna kuchh sust sa ho gaya hai........Lekin phir bhi khutoot ki ahmiyet apni jagah hai........To aaiye yehan share kerte hain kuchh poetry...........lafz "Khat" per.................!

Pehla sher Ghalib ka hamari taraf se:

Khat unka bohot khuub ibaarat bohot achchhi
Allah karey zor-e-qalam aur zyaadaa ...

[Nooralsabah]

chand tasvr-e buta-n chand haseeno-n ke khutoot

baad marne ke mere ghar se yeh sama-n nikla

Ghalib

[Zafar M]

Gulzar ka kehna hai ke:


Vo khat ke purze u.Da rahaa tha havao.n kaa rukh dikhaa rahaa tha
Usii kaa imaan badal gayaa hai kabhii jo meraa Khudaa rahaa thaa

[~Wasi~]

Terey khushboo mein basey khat mein jalata kyesey
Pyar mein doobey huey khat mein jalata kyesey
terey khat aaj mein ganga mein baha aaya hoon
aag behtey huey pani mein laga aaya hoon

[~Wasi~]

One of my fav. ghazal se ....

kab sey hoon kya bataon jahan-e-kharab mein
shab haye hijir ko bhi likho gar hisaab mein
Qasid k aatey aatey khat aik aur likh rakhon
Mein jaanta hoon kya wo likheingey jawab mein

[Zafar M]

na tum aaye, na Khat bhejaa, uThhe jhuule, gayaa saavan!
koii jhuula kiye kab tak, tumhaare ehad-o-paimaaN meiN?!

[Ragni]

Payaam aaya na KHAT aaya na woh aaey na moot aai
Meri sehi talab sab raigaan maluom hoti hae . . .


Ehssan

[Zafar M]

Jis ne mazmoon likhe the ham par
Us ne phir khat bhi na likkha ham ko

[imported_mystique]

namabar tuu ho bata tuu ne tou dekhe honge
kaisay hotay hain woh khat jin k jawaab aatay hain

[Nooralsabah]

wahi khat ke jis pe jagah jagah do mehkte honto-n ke chaand the

kisi bhoole bisre se taaq per tah-e gard hoga daba hua


Bashir Badr