main aiyna tha

**Banjara** · 09-21-2012,01:42 AM

main aiyna tha, woh maira khayal rakhti thi
main toot-ta tha to chun kar sambhal rakhti thi

har aik maslay ka hal nikal rakhti thi
zaheen thi, mujhay hairat main daal rakhti thi

main jab bhi tark-e-taluq ki baat karta tha
woh rokti thi mujhay, kal pay taal rakhti thi

bas aik woh thi jisay ghaow main dikhata tha
bas aik woh thi keh jo andmal rakhti thi

woh mairay dard ko chunnti thi apni pooron say
woh mairay wastay khud ko nidhal rakhti thi

woh dobnay nahi daiti thi dukh kay darya main
mairay wajood ki naow uchaal rakhti thi

duain us ki balaon ko rook laiti thin
woh mairay chaar soo hathon ki dhaal rakhti thi

ik aisi dhun kay nahi phir kabhi main nay suni
woh munfarid sa hansi main kamal rakhti thi

usay nadamatain mairi kahan gawara thin
woh mairay wastay asaan sawal rakhti thi

bichar kay uss say main dunya ki thokaron main hon
woh pass thi tau mujhay lazawaal rakhti thi

sahar tha naam , ujalay ghulam thay us kay
woh zindagi kay andhairay ujaal rakhti thi

woh muntazir mera rehti thi dhoop main shaid
main laut-ta tha to chaon nikal rakhti thi

***Mini*** · 09-21-2012,11:45 AM

kia khoobsurat sharing hai....beautiful

ALLAH PAK saab ko aissa humsafar naseeb kare ameen sum'ameen
ALLAH bless u

**Banjara** · 09-21-2012,07:19 PM

Allah na karay aisa ho

apnay ghor nahi kia k ye past liye howay hai "thi" word aa raha hai

Originally Posted by minimini

kia khoobsurat sharing hai....beautiful

ALLAH PAK saab ko aissa humsafar naseeb kare ameen sum'ameen
ALLAH bless u

**Aslam.1981** · 09-22-2012,04:25 PM

Zabaradst sharing hai koi shak nahi iss mein

Originally Posted by Banjara

Allah na karay aisa ho

apnay ghor nahi kia k ye past liye howay hai "thi" word aa raha hai

app ne bhi khoob judge kiya hai.