Mohabbat kii taaeed

[soomroamr]

MOHABBAT ki tabiyat main ye kaisa bachpana qudrat nai rakha hai..?
Kay ye jitni purani jitni bhi mazboot ho jaye,,
Isay taayeed_e_taza ki zaroorat phir bhi rehti hai..
Yaqeen ki aakhri hadon tak DILON main lehlahati ho.!!

Nigahoon say tapakti ho,,lahoo main jagmagati ho.!!
Hazaroon terah kay dilkash,,haseen haalay banati ho.!!
Isay izhaar kay lafzoon ki hajat phir bhi rehti hai...

MOHABBAT maangti hai yoon gawahi apnay honay ki
Kay jesay tifl_e_saada shaam ko aik beej boaye,,
Aur shabb main baarha utthay,,
Zameen ko khod kar dekhay,,kay poda ab kahan tak hai...

MOHABBAT ki tabiyat main ajab takrar ki khoo hai..
Kay ye iqraar kay lafzoon ko sunnay say nahi thakti,,
Bichadrnay ki ghadri ho,, ya koi milnay ki saa'at ho,,
Isay bas aik hi dhun hai
Kaho mujh say MOHABBAT hai...
Kaho mujh say MOHABBAT hai...
Tumhain mujh say MOHABBAT hai...

Samandar say kaheen gehri,,
Sitaron say siwa roshan,,
Piyaron ki terah qayem,,
Hawaon ki terah dayem,,
Zameen say aasmaan tak jis qadar achhay manazir hain
MOHABBAT kay kinary hain... Wafa kay isteaaray hain..
Hamaray hain..

Hamaray wastay ye chandni ratain sanwerti hain...
Sunehra din nikalta hai...
MOHABBAT jis taraf jaaye zamana sath chalta hai...

Kuch aisi besakooni hai wafa ki sar zameenon main,,
Jo EHL_E_MOHABBAT ko sada bechain rakhti hai..
Kay jesay phool main khushboo,,
Kay jesay haath main paara,,
Kay jesay shaam ka tara,,
MOHABBAT karny walon ki SAHAR raton main rehti hai...
Gumaan kay shakhchon main,,, aashiyan banta hai ulfat ka...

Ye ain wisal main bhi hijar kay khadshoon main rehti hai...
MOHABBAT kay musafir zindagi jab kaat chuktay hain,,,
Thakan ki kirchiyan chunnay WAFA ki ajrakayn pehnay
Samay ki rahguzar ki aakhri sarhad pe ruktay hain...
To koi tootti sansoon ki dorri thaam kar,,,
Dheeray say kehta hai.!!

Yeh sach hai na ,,,,,,,!!!!
Hamari zindagi aik dosray kay naam likhi thi...!!!!
Dhundalka sa jo aankhon kay qareeb o door phela hai
Isi ka naam CHAAHAT hai

Tumhain mujh say MOHABBAT thi...
Tumhain mujh say MOHABBAT hai...

[*sahar*]

bht zabrdast
goooooooood one

[faiza66]

Otstandingggggg Sharingzabardastbht umda