rukhsat e jaanaan aik qayamat us pay qayamat mujh say ijazat

[ASAD76]

hijr ki rut ghamgeen fizaayen,uff ree muhabbat haaye jawani
jeenay kay din marnay ki duaayen,uff ree muhabbat haaye jawani

waada ki shab khamosh fizaayen,dil men khalish woh aayen na aayen
dar pay nigaahen lab pay duaayen,uff ree muhabbat haaye jawani

mehki hui gulshan ki fizaayen,behki hui saawan ki ghataayen
haath men saaghar sir pay ghataayen,uff ree muhabbat haaye jawani

rukhsat e jaanaan aik qayyamat us pay qayyamat mujh say ijazat
aankh men aansu lab pay duaayen,uff ree muhabbat haaye jawani

hum thay khumaar aur pehlu e jaanan,bas men thi jesay gardish e dauraan
kash woh din ab yaad na aayen,uff ree muhabbat haaye jawani

(Khumaar Baara Bankwi)

[faiza66]

Wahhhhhh Fantastic choice


Kaafi arsey key baad Aaye ho aap
sb kheiriyat?

[ASAD76]

Wahhhhhh Fantastic choice


Kaafi arsey key baad Aaye ho aap
sb kheiriyat?

Gee sab khariyat hai,bas kuch masroof raha aur koi qabil e zikr shayari bhi nazar say nhi guzri, is liay share nhi ki.

[Sab_ka_pyara]

WAH JI WAH Khumar ji jab apni bharpoor jawani
mai aik maqbool shayar ki hesiat se samnay aaye thai
uss waqt in ki iss ghazal ne tamam mushayron ko loota tha
nyce selection bro khush rhain
Ejaz Bhai

[*sahar*]

excellent choice

[Ram Mohandixit]

Bahut Khoob Janaab.

Do Shair bataur daad pesh kerta hoon:



Saawan teri zulfon se ghata maang ke laya
bijli ne charaayi hai tadaf teri nazer se.

Tasveer banata hoon teri khoone jiger se
dekhaa hai tujhe maine muhabbat ki nazer se.

[I Am In Love]

Behtareen Pasand Hay .. Keep Sharing ...