Shehar-e-Dil Ki Galiyoon main .........!!

[painfull_relieve]

Shehr-e-Dil ki Galiyoo'n main
Shaam se bhataktay hain
Chand k Taman-na-ii
Be-qarar Saudaaii
Dil Gudaz Tareekii
Jaa'n Gudaz Tanhaai
Rooh-o-Jaa'n ko Dasti hai
Rooh-o-Jaa'n main Basti hai
Shehr-e-Dil ki Galiyoo'n main

Taak-e-Shab ki bailoo'n per
Shabnami Sarshakoon ki
Be-qarar Logo'n nay
Beshumaar Logo'n nay
yaad-gaar chori hai
Itni Baat Thori Hai ?

Sud-Hazar batein thein
Hela-e-Shakebaaii
Soraton ki Zebaaii
Qamaton ki raanaii
In siyah rato'n main
Aik bhi na yaad aaii
Ja baja bhataktay hain
Kis ki raah taktay hain
Chand kay taman'naii

Ye Nagar Kabhi Pehlay
Is Qadar Na weera'n Tha
Kehnay walay kahte hain
Qarya-e-Nigaraa'n Tha
Khai apnay Jeenay Ka
Yeh bhi aik samaan tha

Aaj Dil main Weerani
Abr ban kay Ghir aaii
Aaj Dil ko kya Kahiye
Ba-Wafa Na Haarjaaii
Phir Bhi Log Deewanay
Aa gaye hain samjhaanay
Apni wehshat-e-dil k
Bun liye hain afsanay
Khush khayal dunia nay

Garmiyaa'n to Jaati hain
Woh rutaein bhi aati hain
Jab Malool rato'n main
Dosto'n ki baton main
Jee na chain paye ga
Aur oob jaye ga
Aahaton say Gonjein gi
Shehar-e-Dil ki Pinhaaii
Aur chand rato'n main
Chandni kay Shedaaii
Har bahanay niklein gay
Aarzoo ki Gehraii
Dhondnay ko Ruswaaii
Sard Sard Rato'n ko
Zard Chand Bakhshay ga
Be-Hisaab Tanhaaii
Be-Hijaab Tanhaaii
Shehar-e-Dil Ki Galiyoon main .........!!

[Sanwal]

nice sharing

[faiza66]

Hmesha ki tarah bohat umda sharing hay
keep sharing with us

[Kanch Ka Dil]

Asalam O Alaikum
umdah sharing..keep it up...khush rahain
Wasalam

[life.]

gr8...................

[I Am In Love]

Nice One ... Keep Sharing...