Wahshat-e-jabr tera luqma-e-tar honey tak

[dasht-e-tanhae]

Wahshat-e-jabr tera luqma-e-tar honey tak
Sar uthata hooN meiN begana-e-sar honey tak

Baandh ayat ki tarah choob-e-qadeemi sey mujhey
Daaf-e-ranj-o-musibat hooN, asar honey tak

Dasht-e-be-had meiN bagooley ki tarah phirtha hooN
Gard uRti hey meri khak ba sar hroney tak

Sard rehta hey jahaN shula-e-takhleeq-e-hunar
Jhilmilata hooN wahaN sarf-e-nazar honey tak

Sau k uthta hooN tu deewar nai hoti hey
Raat kha jati hey khawbooN ko sahar honey tak

Mujh ko asaib zada ghar meiN paRey rehna hey
...aur rehna hey mujhey iss meiN niDar honey tak

Gharq-e-darya jo howa hooN tu shikayat kaisi
Lehr sy lutf liya... meiN ney bhaNwar honey tak

Tukhm-e-umeed sy yeh ehd kiya tha meiN ney
dhoop meiN jalta rahooN ga meiN shajar honey tak


Kaisy mumkin hey bhula dooN meiN tery gham ka hisaab
Iss ko rakhta hooN meiN seeney meiN samar honey tak

Maira kirdar kahani meiN hey itna sahib
Bas tery saath chalooN gard-e-safar honey tak

Yeh saza apney liye meiN ne chunni hey Azar
Iss zameeN par rahooN, aflaak meiN dar honey tak

[Sab_ka_pyara]

Assalamo Alykoom Bro kaise hain
boht umda ghazal share ki hai khush rhain

[I Am In Love]

Bohat Khoob
Kia Baat Hay
Umda Pasand Hay ...
................. Keep Shairng....

[Haya n]

Itni Khoobsurat Ghazal Ka Intikhaab Bouhat Pasand Aaya...

[dasht-e-tanhae]

thank you g