Woh Jo ham Mein Tum Mein Qaraar Tha, Tumhain Yaad Ho Keh Na Yaad Ho

[Mystique]

woh jo ham mein tum mein qaraar tha, tumhain yaad ho keh na yaad ho
wohi waada yaani nibaah ka, tumhain yaad ho keh na yaad ho

woh jo lutf mujh pay thaa paishtar, woh karam keh tha meray haal per
mujhay sab hai yaad zara zara, tumhain yaad ho keh na yaad ho

woh naye gillay, woh shikaayatain, woh mazay mazay ki hikaayatain
woh her ik baat pay roothna, tumhain yaad ho keh na yaad ho

koi baat aisi agar hoi keh tumhaary jee ko bura laga
to bayaan say pehlay hi bolna, tumhain yaad ho keh na yaad ho

kabhi ham mein tum mein bhi chaah thi, kabhi ham mein tum mein bhi raah thi
kabhi ham bhi tum bhi thay aashna, tumhain yaad ho keh na yaad ho

woh bigarna wasl ki raat ka, woh naa maan'na kisi baat ka
woh nahi nahi ki her aan sadaa, tumhain yaad ho keh na yaad ho

jisay aap gintay thay aashna, jisay aap kehtay thay baawafaa
mein wohi hon MOMIN-e-mubtila, tumhain yaad ho keh na yaad ho

[abgeen]

khoobsoorat .....

[Ali Jee]

jo hum mai tum ................ wow nice

very nice ......................... .


Awesome Sharing!!!!!!!!!!!!! thank u

[Mystique]

khoobsoorat .....

bahot jazakAllah abgeen........

[Mystique]

jo hum mai tum ................ wow nice

very nice ......................... .


Awesome Sharing!!!!!!!!!!!!! thank u

bahot jazakAllah Ali.........