Mozu-e-Behes: Ik Khwaab Jo Dekha Na Kabhi Ley Ura Neendai.n

[Crystal Eyes]

khuwab

woh khuwab hi kya jo poora hojaye. khuwab dekhna woh bhi jaagti ankhon say yeh ek insaani fitrat hai. agar hum khuwab na dekhnain to humaray jeenay ka koi maqsad hi na rahay. har insaan khuwab dekhta hai aur sab ko haq hai dekhnay ka. hum us cheeez kay khuwab dekhtay hain jo humaray dastaras main nahi hota, us cheez kay panay ka khuwab phir baad main uskay kho janay ka gham . baaz auqaat to humari sari umer guzar atai hai khubaon ki tabeerain dhoondtay dhoondtay. aur aksar auqaat to hum apnay wajood ko hi faramosh karbethtay hain aur yeh nahi soochtay key khuwab to saraab hain.

mujhay jagti ankhon kay khubaon say dar lagta hai. band akhon say jo khuwab dekhay jatay hain uspar humara to koi ikhtiyar nahi. lekan jo khuwab hum khuli ankhon say dekhtay hain woh pani key ek bulbulay ki tarah hotey hain nazuk say be zarar say, jis taraf huwa ka rukh ho usi taraf urnay walay. jinkey khuwab sach hojatay hain woh waqayee bohat khush naseeb hotey hain aur dosri taraf jinkey khuwab tootay hain unsay janiye khuwabon ki ehmiyat. maghrib ka ek mashoor musawir hai Picasso uska ek quote hai key "Every thing you can imagine is real." wesay to bari seedhi si baat hey lekan behad wazni, key hum jo kuch bhi sochtay hain woh sachaye par mabni hota hay key agar kisi cheez ka koi wujood hi na ho to bhalla hum usko sochain kesay. mera yeh bhi manna hai key khuwabon ka tootna bhi bohat zaroori hai key agar humaray saray khuwab sach hojayen to hum khush feham hojayen. lekan woh khuwab hi kya jo poora hojaye, key agar woh poora hojaye to woh khuwab kahan rahta hai woh to zindagi ban jata haina !

bas aisay hi jo samjh aya likh diya.....koshish ki hai likhnay ki bas

[Diya]

khawab....

kehtai hain umeed na ho to zindagi bejaan si lagti hai mein kehti hoon khawab na hoon to ankhain benoor si lagti hain...haan har khawab ki tabeer kabhi nahi milti beshak woh jaagti ankhoon kai khawab hoon na phir band palkoon par sajai tarai ...ye kehna mushkil hai kis khawab ki tabeer milai gi aur kis ki nahi lekin socho agar khawab hi na ho to ankhain kitni beraunak si lagain veeran si khamosh si...to kya hua agar tabeer har khawab ki nahi milti chahai woh khawab aik aisa hi khawab ho "Ik khwaab jo dekha na kabhi ley ura neendain" zaroori to nahi tabeer pa jai to kya hua agar nahi mili tabeer khawab to khawab hota hai aik nai subha ki tarhaan jo zindagi ko nai tazgi daita hai nai safar par chalnai ka aik azam daita hai...khawaboon kai tootnai kai darr sai koi khawab dekhna chor dai to socho woh apnai sath kitni zayatti karta hai ...

khawab palkoon par sajtai hain sitaroon ki tarhaan inhain sajnai do kai ye raushni daitai hain umangoon ki inhain jagnai do

khush rahiyai

[imported_chilli_milli]

khawab ....
kon waqif nahi iss ki haqeeqat say .. kis ka dill chahta ho ga k uss k haseen khawab tootain ... ya woh uss neend say jagay jo ussay aik khubsuart dunya main lay jaati hai .. WOH KHAWAB JO DEKHA NA KABHI LAY URRA NEENDAIN ... discussion k liyay bohhhat hi umda unwaan tajweez kiya hai INTAZAMIA nay .. kahna to bas yeh hai k aisa bhi hota hai balkay aisa hi hota hai .. kabhi koi haseen khawab dekhtay huway jagnay ko mann nahi karta aur kabhi woh khawab jiss ka sirf insan tasawur hi kar sakta hai issi darr say k janay sonay k baad woh khawab inn aankhon ka mahwar ban bhi sakay ga k nahi insan aankahin hi band nahi karta .. aur phir to zahiri si baat hai neend kahan aati hai jab dill ko apnay khawabon k toot janay ka khadsha ho ...
yahan main yeh zaroor kahna chahoon gi k khawab zaroor dekho lekin inn main raho mat .. kyun k zindagi khawabon say barh k hai .. khawab agarchay aap ko apni raah mutayen karnay ka shaur detay hain lekin iss ka har gizz yeh maksad nahi k insan sotay to khawb dekhta hi hai khulli aankhon bhi iss k mazay lenay lagay ...
topic ki taraf dobara aatay huway zayad kuch nahi kahoon gi bas yeh k zindagi ko jiyain aur bharpur jiyain aisay jaisay jeenay ka haq hai lekin iss zindagi ka bhi hum pay koi haq hai aur issay sirf khawabon ki nazar kar dena acha nahi iss k liyay kuch karna hamara bhi farz hai iss liyay khawab dekhiyay aur ba maksad dekhiyay ... aur unhain poora kijiyay na k sirf khawabon ka maza lenay k liyay aap ko neend ka intazar karna parray ya khulli aanhkon say hi khawab buntay rahain ... aur rahi baat AN DEKHAY khawab ki to yeh to aap ki aik naee zindagi ki taraf rahnumai karta hai apni neendain zaroor uraiyay lekin iss khof say nahi k aap ka khawab na toot jayay balkay woh koshish kijiayy k aap ka an dekha khawab aik zinda haqeeqat ki shakal ikhtayar kar lay ... aap sab ka bohhat shukriya .. shayad main topic say hatt k boll gaee lekin jo bhi dill main aaya aap sab say shar kar liya khawabon k baray main

[m]

TAsleem janab

khoobsoorat intekhaab ... is per aik mazahiya mukaalma bhi likha tha ager ijazat ho to hum woh share kerdain

jawab ki muntazir ...aapki sirf aapki Mano :myheart

[Shagufta Basit]

[QUOTE=m

[cutelibra]

/yhug

aap nay kaise kaha k aap ko likhna nahi ata ... likhna ye thori hai k hum motey motey lafz malgajey undaaz main band k likhain tu hi humian likhna aata hai ... baat saaf aur sada aur asaan zabaan main bayan karne ki hai jo aap nay bakhoobi kya hai

sahi kaha aap nay bhi khwaab kabhi khatam nahi hotey .. hoeen bhi tu kaisa bhala k insaan ki tabiyat main bhala sairi hai hi kahan

bohatttttttttttt sara shukriya aap ki shrkat ka umeed hai aaneda bhi aap aponey az hud qeemti khaylaat ko hum sey bantain gi

jeti raheye khush raeye hamesha

hm sis ab kia kahoon bhala main
well bohat bohat thanx

khush rahain appi hamesha

[Aaina]

sab se pehlay to dairr se anay pe muazrat.. ^)^

magar yeh jo intehaaii khobsoorat misraa hai na ... is se ham ko zaraa ikhtelaaf hai... "aik khwaab jo dekha na kabhi le uraa neendein"... jab koi cheez dekhi hi na hoo...us ka tasavur hi na kiya ho to woh khayal /khwaab apko be'chainn kiunker kar sakta hai ???

aik to cheezain hoti hian haqeeqat main, ap unhain dekhte hian...choote hian...mehsoos karte hian to woh jeetii jaagti haqeeqat apki neendein urati hain..
kuch log khwaab o khayaal main zahor'pazeer cheezoon ko bhi haqeeqat kehte hian....kiun ke woh unke khawab ki haqeeqat hoti hai...woh usay band ankhon dekhte hain... magar jab koi aisii cheez hi na ho jisay na khwaab main dekha, na haqeeqat main to woh kaisey neendein uraey.... :-<

[bhaii bhulakkar]

hoii takheer ko kucch NAHI yaqeenan BOHAT kucch "baa'ese takheer" hoga..:P

khair aik to khatoon aap batain hi sari AFLATOONI kerti hain.....yeahi sawal ham ney bhi BHABHI ji sey SAMJHNAY ki kjoshish ki thee per unka jo jawab aaya us ney aagay kucch kehnay ki HIMMAT hi nahi bandhaai... lijiay aap bhi PERHIAY aur hamein bhi samjha'iay aur BHABHI ki samjh ko bhi ZAIR o ZABAR kijiay...

aap naykaha jab khwaab hi na dekha ho tu neendain kaise urna?... tu bahyya kya kabhi aisa nahi hota k koi aik khwaab ko laho ban k raho o pe' main gardish kar raha hota hai ... per hum usey aankho main samane sey dartey hai .. kya aisa koi khwaab jo aap k wojood main ban k laho dorta hai neendain nahi ura sakta????

sab se pehlay to dairr se anay pe muazrat.. ^)^

magar yeh jo intehaaii khobsoorat misraa hai na ... is se ham ko zaraa ikhtelaaf hai... "aik khwaab jo dekha na kabhi le uraa neendein"... jab koi cheez dekhi hi na hoo...us ka tasavur hi na kiya ho to woh khayal /khwaab apko be'chainn kiunker kar sakta hai ???

aik to cheezain hoti hian haqeeqat main, ap unhain dekhte hian...choote hian...mehsoos karte hian to woh jeetii jaagti haqeeqat apki neendein urati hain..
kuch log khwaab o khayaal main zahor'pazeer cheezoon ko bhi haqeeqat kehte hian....kiun ke woh unke khawab ki haqeeqat hoti hai...woh usay band ankhon dekhte hain... magar jab koi aisii cheez hi na ho jisay na khwaab main dekha, na haqeeqat main to woh kaisey neendein uraey.... :-<

[Aaina]

hoii takheer ko kucch NAHI yaqeenan BOHAT kucch "baa'ese takheer" hoga..:P

khair aik to khatoon aap batain hi sari AFLATOONI kerti hain.....yeahi sawal ham ney bhi BHABHI ji sey SAMJHNAY ki kjoshish ki thee per unka jo jawab aaya us ney aagay kucch kehnay ki HIMMAT hi nahi bandhaai... lijiay aap bhi PERHIAY aur hamein bhi samjha'iay aur BHABHI ki samjh ko bhi ZAIR o ZABAR kijiay...

aap naykaha jab khwaab hi na dekha ho tu neendain kaise urna?... tu bahyya kya kabhi aisa nahi hota k koi aik khwaab ko laho ban k raho o pe' main gardish kar raha hota hai ... per hum usey aankho main samane sey dartey hai .. kya aisa koi khwaab jo aap k wojood main ban k laho dorta hai neendain nahi ura sakta????

janaab.... kiun khawa ma'kha Aflatoon ki rooh ko qabar main tarapney pe majboor karte hain....:P

aur rahi Goofi ki baat ko zair'o zabar karna...hmmm.... baat khatoon ki unkey apne nazriye ke ain mutabiq theek hogi...mayri nazar main nahi hai... bohot aam si baat hai...hamari soch aur khawab unhi cheezon ke tabaay hote hian jo ham apne ird gird dekhte hain...jab aapne koi cheez na dekhii ho to usay tasavur bhi usii hisaab se karte hain jo apko BAND ankhoon khawab main warid hote hain...woh khawab kahaan se atey hain....koi GHAEB ki dunya se ?? nahi...hamara bi shaoor hota hai...jo kuch waqt ko la'shaoor main chala jata hai..aur khawab ki dunya ki band ankhoon sairr hoti hai... magar dikhta ky ahai ??? wahi na jo ham ap is dunya main jeeti ankhoon se dekhte hain....jab koi cheez na dikhii ho to uski koi discription kaheen parhi hoo...woh hua la'shaoor... fiction.... yeh cheezain hoo sakti hain... magar khoon ki terha koi khawab rag'o pae main gardish karey... mujhey yeh baat hazam nahi hoti... aur woh bhi aisaa khawab jo ke na dekha na sunaa....to bhaeeee ayaa kahan se ?? ham ne "hoor" ..."pariyaaN" nahi dikhein...sahi..... magar unka aik tasavur kitaboon se hamarey shaoor ya la'shaoor main baitha hai....aub agar kisi ko khawab main koi "hor" "parii" nazar aa jaye to us ke nazar anay ka taluq kahan se joora jayega ?? ... un'dekhii kisi cheez se kiya ?? nahi na... pata nahi, main yahan sahi hoon ke nahi magar ham ko nahi lagta ke insaan bina koi khawab dekhey itna be'qaraar ho jaye ke uski neendein urr jayein.......haan dekhii bhaali shay ke nateejay main yeh tawaquu zaroor ki ja sakti hai...

:s

[~My$tiCaL_^_DeViL~]

'palkon pe aa baitha woh, aankhon ke bhitar na aaya tha abhi, uski maujudhgi ka ehsaas dil ko hua idhar toh jhapki palkein udhar aur ud gaya woh,ke laut kar phir na aaya kabhi...."Ik Khwaab Jo Dekha Na Kabhi Ley Ura Neendai.n" meri....'

khwab kya hai,?
Meri nazar mein ;
khwab ehsaas hai,
khwab jazbat hai,
khwaab hai toh raat hai,raat hai toh khwab hai....
Dekh pana - ek andhe ka khwab hai,
Sunn paana - behere ka khwaab hai..
Raat ko so pana - ek darbaan ka khwaab..
taxi chalana - ek auto wale ka khwab hai..
bistar par sona - raaste par padhe fakir ka khwab hai...
Maa bann-na har aurat ka khwab hai
bacchon ko padhana- likhana- phir bhiyana har Vaalid har Vaalidah ka khwab hai..
school main mazeed number pana-har khel me awal aana- har bachhe ka khwab.........

kai khwaab aise hain jinhe hum mehsoos kar sakte hai ya mehsoos karte hain..Har khwab aankh dekhe yeh zaroori nahi...Dil ke khwabon ka aankhon ko kabhi kabhi ilm bhi hota nahi...Khwab chaha hai, khwab umeed hai.... Khwab ke mukhtalif roop rang hain, har khwab ko tabeer mile yeh munasib nahi...Har tabeer ke khwab milein yeh bhi mumkin nahi...so mera maan-na yeh hai jo khwab ham mann ki aankh se dekhte hain,jinke hum bhar aane ki umeeed rakhtein hai,woh din ho ya raat, ghar ho ya bazaar, humare sung hi chalte hain..Aur jab inhi me se koi khwab apni inteha pe ho toh, neend, chain sukun,waghera, sab khud-b-khud chhin jaate hain....................

@};- @};- @};- @};- @};- @};- @};-

Main peheli baar yaha is sec mein kuch likh rahi hu,mujhe pata nahi
yahan kaise likha jata hai par khud ko is mouzoo par kuch kahene pe rok nahi payi..koi bhool chuk ho toh mazarat chahungi...
Khush rahein aap sab.... AMEEN
FameanALLAH...@};-