poll for ""MUQABLA E MAAH E FEBRUARY 2011 MERI DIARY KA AIK VARQ""

[HUM*]

Assalam o Alaikum dostooN

is maah ham ne aap logoN ke liye muqabla rakha tha "meri diary ka aik warq" to aap logoN ne shayad apni Diary ka aik nanha munna sa warq hamarey sath share karna munasib nahi samjha jin dostooN ne is muqabley maiN shirkat ki un ki tahaareer hazir haiN ab aap dostooN se darkhwaast he ke vote de kar apni raey ka izhaar karaiN jamhori tarz par

(1)
Shagufta basit

17th september 2010

London

21:34

-------------

aaj ka din bohat khoobsurat tha, chamkeela aur narm gharm... bohat haseen... aj Awwab ki nursery ka pehla din tha... is din ka mujhe kitne din se intazar tha... waise maaen hoti hi ajeeb hain, abhi bache paida hote nahi k wo un k bachoon tak k khwaab bunna shuru kar deti hain....

main kafi din se hi kafii pareshan bhi thi k wo wahan reh bhi pay ga k nahi kyu k aj tak wo mujh se kabhi juda hi na howa tha, use school main chorte waqt ansoo us ki ankhoon main ane k bajay meri palko.n pe an tike they, aur wo "im a strong boy mama" keh k khailne khodne main lag gaya tha ... main kitne hi minute school k darwaze k bahar khari rahi k shaid wo ro pare aur us ki teacher ko mujhe bulana parey per he is really a strong boy nowMashAllah

aj merey bete ney apni kamyab zindagi ki taraf pehla qadam uthaya hai, nursery phir school, phir collage university... aur phir aik din aise dekhtey hi dekhety us ki job ka pehla din aa jay ga, pehli job ka pehla din, ye zindagi main saari pehli cheezain insan ko kyu itni aziz hoti hain... pata nahi jab tak main rahoo.n ya na rahoo.n ...ye dekhne k leye k mera bacha kaise taraqee k zeene pe qadam qadam barhta ja raha hai, ye batane k leye k kaise us k maa baap nay lamha lamha ane waloon lamhoon k khwaab bune hain...

bache jaise jaise barey hote jatey hain kaheen na kaheen maa baap se dor hotey jatey hain ... qudrati hai shaid ye sab, kal tak us ki zindagi bas ma baap behnoo tak mehdood thi, aj us ki zindagi main dost aur teachers aa gaey hain, kal kahen na kaheen dost aur ustaad maa bap pe foqiyat hasil kar lain gai, phir insan apni zindagi k jhamelo main aisa ghum hota hai k maan baap ki borhi ankhoon main basi aas umeed ko chah k bhi dor nahi kar pata, wohi maa baap jo bache k bolne se nihal howe chale jatey hain unhi ki baat sunne ka waqt nikal nahi pata... zindagi isi ka naam hai shaid....per jo bhi hai zindagi behud haseen hai, merey bachoon k masoon qehqahoo.n jaise, un ki masoom sharartoon aur sharartoon se
chamakti ankhoo.n jaisi, un k hawa main pankh laga k urne wale khaboo.n jaisi , un k aur humarey ma bain betahasha belous mohabbat jaisi........

(2)
sohail

(Aehmaq Musafir, Andha Talib-e-Ilm)

Saturday, February 19, 2011


Aaj ka din kuch ajeeb sa hey, ya phir yoo’n kahai’n tu zyadha munasib hoga k mood kuch ajeeb sa hey,ek afsurdagi si tari hey,aisa nahi hey k main aaj yaha’n pehli bar aaya hoo’n main yaha’n kai bar aa chukka hoo’n kabhi kisi apney ko kandha daitey huwey tu kabhi kisi janey waley k liye kalma-e-shahadet perhtey huwey mager ye ek haqiqet hey k aaj sey pehley kabhi main ney ye nahi socha tha k khud mujhey bhi tu ek din yaha’n aana hey aisey hi logoo’n ney mairey jasd-e-khaki ko uthya huwa hoga phir mujhey qaber main utar diya jaye ga aur phir upper sey wazni slabs rakh diya jai’nge,main waha’n akaila reh jaoo’n ga aur phir…………..phir kia hoga? Phir wo hoga jis k barey main main janta tu hoo’n, jis ka main zuba’n sey iqrar bhi kerta hoo’n jis k barey main baat kertey huwey main fasahet aur bakaghet k derya baha daita hoo’n mager………….mager dil sey iman nahi lata, main ney shayed aaj pehli bar puri imandari sey apni zat ka tajziya kia hey aur….. aur mujhey khud sey ghin aarahi hey main tu dunya ki ghilazet main lithra huwa ek ghaliz tareen insane hoo’n jo her ghalet kaam ki koi na koi dalil dhond laita hey na janey aaj tek main kisey dhoka daita aaya hoo’n aaj ye aehsas ho raha hey k main tu us aehmaq musafir ki terha hoo’n jis ka safer us k sir pe hey mager wo zad-e-rah ki taiyari ki bajaye taveel aaram kerney ki soch raha hey,aaj ye aehsas huwa k mairi haisiyet tu us andhey talib-e-ilm ki si hey jisey ye bhi bata diya jaye k paper main kia kia sawal pochey jai’n ge aur un k jawabat bhi bata diye jai’n mager wo un ki taiyari kerney ki bajaye kisi aur hi taiyari main mashghol rahey aur aaj khayal aaya hey tu shyed kafi waqt beet chukka hey main kia karoo’n?.............ye sawal mustaqil mairey dimagh main gardish ker raha hey waqt ka bhi pata nahi kon janey kab whistle ho aur gari rawana ho jaye kab mumtahin paper k ikhtitam ka elan kerdey maira dil dard se phata jar aha hey apni ghaflet aur gunahoo’n ka ahsas mairi reg reg main saraiyet ker raha hey mairi aankhoon sey aansoo behney lagey hain in main koi ria kari nahi shayed ye is umeed pe us Rab-e-kainat k hazoor beh rahey hain k shayed abhi mujh aasi k liye tuba ka derwaza band na huwa ho aur main is yaqee’n k sath us malik k hazoor sajdha raiz honey ki soch raha hoo’n k wo tu ek Maa k muqabley main apney bandey se 70 derjey zyadha muhabbet kerta hey mujhey kyoo’n maaf na kerey ga mager is wadey k sath k aaindh hamisha wohi kerney ki puri koshish karoo’n ga k jis ka hukm hey.

(3)
HUM*

[hermald_eyes]

WALAIKUM ASSALAM

voted

[Rapunzel]

Best of Luck to all of U

Votes(is bar bh mushkil tha faisla karna)

[Spy wolf]

Voted..............
Tehreerai'n teenoo'n hi zaber dast hai'n
faisla mushkil tha achi sharing pe mubarakbad teenoo'n
k liye mager vote tu ek hi ko kerna hey na.

[Basit Habib]

May the best wins.

Wa.Salam

[Raigaan]

Voted jee ..........

[shaam-o-sehar]

voted............

[Brey Bhai]

Voted.................... ....

[~Maya~]

voted...

[Kanch Ka Dil]

voteddddddddddddddd