Rustam Sehgal Wafa- Urdu Poetry/Shayari

[Shakeel_Khan]

aap aaye janaab baraso.n me.n
hamane pii hai sharaab baraso.n me.n


phir se dil kii kalii khilii apanii
phir se dekhaa sabaab baraso.n me.n


tum kahaa.N the kahaa.N rahe saahib
aaj hogaa hisaab baraso.n me.n


pahale naadaa.N the ab huye daanaa
unako aayaa aadaab baraso.n me.n


isii ummiid pe mai.n zi.ndaa huu.N
kyaa vo de.nge javaab baraso.n me.n

[Shakeel_Khan]

kyaa Khabar thii is tarah se vo judaa ho jaayegaa
Khvaab me.n bhii us kaa milanaa Khvaab saa ho jaayegaa

zindagii thii qaid hame.n kyaa nikaaloge us se
maut jab aa jaayegii to Khud rihaa ho jaayegaa

dost banakar us ko chaahaa, ye kabhii sochaa na thaa
dostii hii dostii me.n vo Khudaa ho jaayegaa

us kaa jalvaa hogaa kyaa jisakaa ke pardaa nuur hai
jo bhii us ko dekh legaa vo fidaa ho jaayegaa

[Shakeel_Khan]

tere nisaar saaqiyaa jitanii piyuu.N pilaaye jaa
mast nazar kaa vaastaa mast mujhe banaaye jaa

tujhako kisii se garaz kyaa bijalii kahii.n giraaye jaa
dil jale yaa jigar jale tuu yuu.N hii muskuraaye jaa

saamane mere aa ke dekh ruKh se naqaab haTaa ke dekh
khilaman-e-dil hai mu.ntazair barq-e-nazar giraaye jaa

'Wafa'-e-badanasiib ko baKhshaa hai tuune dard jo
hai ko_ii is kii bhii davaa itanaa zaraa bataaye jaa

[Editor]

Janab hotkhan, bohat khoob, Shukriya - Editor - Urdu Poetry Forum

[Editor]

Asalam o Alaikum hotkhan, Thank you for sharing this, Shukriya - Editor Urdu Poetry Forum ...

[Editor]

Sallam, Bohat khoob, Editor - Urdu Poetry Forum