Shah Azeemabadi - Urdu Poetry/Shayari

[Shakeel_Khan]

Dhuu.NDhoge agar mulko.n mulko.n milane ke nahii.n naayaab hai.n ham
taabiir hai jis kii hasarat-o-Gam ai ham-nafaso vo Khvaab hai.n ham

mai.n hairat-o-hasarat kaa maaraa Khaamosh Kha.Daa huu.N saahil pe
dariyaa-e-mohabbat kahataa hai aa kuchh bhii nahii.n paayaab hai.n ham

ai dard-e-mohabbat kuchh tuu hii bataa ab tak ye muammaa hal na huaa
ham me.n hai.n dil-e-betaab nihaa.N yaa aap dil-e-betaab hai.n ham

laakho.n hii musaafir chalate hai.n ma.nzil pe pahu.Nchate hai.n do ek
ai ahal-e-zamaanaa qadar karo naayaab na ho.n kaamayaab hai.n ham

murGaan-e-qafas ko phuulo.n ne ai "Shaad" ye kyaa kahalaa bhejaa hai
aa jaao jo tum ko aanaa ho aise me.n abhii shaadaab hai.n ham

[Shakeel_Khan]

ai shab-e-Gam ham hai.n aur baate.n dil-e-naakaam se
sote hai.n naam-e-Khudaa sab apane ghar aaraam se

jaagane vaalo.n pe kyaa guzarii vo jaane.n kyaa bhalaa
so rahe hai.n jaa ke bistar par jo apane shaan se

jiite jii ham to Gam-e-fardaa kii dhun me.n mar gaye
kuchh vahii achche hai.n jo vaaqif nahii.n a.njaam se

naalaa karane ke liye bhii taab-e-Khush darakaar hai
kyaa baataauu.N dil haTaa jaataa hai kyo.n is kaam se

dekhate ho maikade me.n maikasho saaqii baGair
kis qism kii bekasii paidaa hai shaql-e-jaam se

[Shakeel_Khan]

tamannaao.n me.n ulajhaayaa gayaa huu.N
khilaune deke bahalaayaa gayaa huu.N

huu.N is kuuche me.n har zarre se aagaah
idhar se muddato.n aayaa gayaa huu.N

dil-e-muztar se puuchh ai raunaq-e-bazm
mai.n Khud aayaa nahii.n laayaa gayaa huu.N

saveraa hai bahut ai shor-e-mahashar
abhii bekaar uThavaayaa gayaa huu.N

lahd me.n kyuu.N na jaauu.N muu.Nh chhupaaye
bharii mahafil se uThavaayaa gayaa huu.N

kujaa mai.n aur kujaa ai "Shad" duniyaa
kahaa.N se kis jagah laayaa gayaa huu.N

[Editor]

Thanks for sharing - Regards, Editor Urdu Poetry Forum

[Editor]

Sallam, Bohat khoob, Editor - Urdu Poetry Forum

[Editor]

Thank you for sharing hotkhan - Regards, Editor Urdu Poetry Forum...

[zara_butt]

any one who have time plz design it ,,,,with lot of thx in advance ,,,,


Dhuu.NDhoge agar mulko.n mulko.n milane ke nahii.n naayaab hai.n ham
taabiir hai jis kii hasarat-o-Gam ai ham-nafaso vo Khvaab hai.n ham

mai.n hairat-o-hasarat kaa maaraa Khaamosh Kha.Daa huu.N saahil pe
dariyaa-e-mohabbat kahataa hai aa kuchh bhii nahii.n paayaab hai.n ham

ai dard-e-mohabbat kuchh tuu hii bataa ab tak ye muammaa hal na huaa
ham me.n hai.n dil-e-betaab nihaa.N yaa aap dil-e-betaab hai.n ham

laakho.n hii musaafir chalate hai.n ma.nzil pe pahu.Nchate hai.n do ek
ai ahal-e-zamaanaa qadar karo naayaab na ho.n kaamayaab hai.n ham

murGaan-e-qafas ko phuulo.n ne ai "Shaad" ye kyaa kahalaa bhejaa hai
aa jaao jo tum ko aanaa ho aise me.n abhii shaadaab hai.n ham

poet name ......... shad azeem abadi

[Shoaib]

umda sharing ha