Siraj Lakhnawi - Urdu Poetry/Shayari

[~ Manahil ~]

zindaa.N me.n bhii khi.nche rahe daar-o-rasan se ham
rahate hai.n sar_kasho.n me.n bahut baa.Nkhpan se ham

gul-dostii ne Khaar kaa Khuugar banaa diyaa
misl-e-nasiim shaad hai.n saaare chaman se ham

aGyaar mahar-o-maah se aage nikal gaye
ulajhe huye hai.n subah kii pahalii kiran se ham

past-o-buland-e-dahar se aasaa.N guzar gaye
chhuuTe na qaid-e-zulf-e-shikan-dar-shikan se ham

nikale jo Gam_kade se to suurat Khizaa.N kii thii
aaye bahaar ban ke terii anjuman se ham

ye lutf kam nahii.n hai Gam-e-aashiqii teraa
hai.n hai.n beniyaaz dahar ke ranj-o-mehan se ham

[~ Manahil ~]

tere paas aane ko jii chaahataa hai
naye zaKhm khaane ko jii chaahataa hai

idhar aaye shaayad vo mauj-e-tarannum
Gazal gungunaane ko jii chaahataa hai

zamaanaa meraa aazamaayaa huaa hai
tujhe aazamaane ko jii chaahataa hai

vahii baat rah rah ke yaad aa rahii hai
jise bhuul jaane ko jii chaahataa hai

labo.n par mere khelataa hai tabassum
jab aa.Nsuu bahaane ko jii chaahataa hai

ka_ii martabaa dil pe bijalii girii hai
magar muskuraane ko jii chaahataa hai

takalluf na kar aaj barq-e-tajallii
nasheman jalaane ko jii chaahataa hai

ruKh-e-zindagii se naqaabe.n ulaT kar
haqiiqat dikhaane ko jii chaahataa hai

[~ Manahil ~]

shamiim-e-zulf-e-yaar aaye na aaye
mere dil ko qaraar aaye na aaye

abhii aayaa hai hosh yaad-e-jaanaa.N
na ta.Dapaa, baar-bar aaye na aaye

chiraaG-e-zindagaanii bujh rahaa hai
vo jaan-e-intazaar aaye na aaye

kiyaa jo tum ne apane dil se puuchho
hamaaraa aitabaar aaye na aaye

nigaah-e-ahal-e-gul_shan kah rahii hai
Khizaa.N jaaye bahaar aaye na aaye

ba.Dhegaa kaaravaa.N manzil-ba-manzil
Gubaar-e-raah_guzar aaye na aaye

[~ Manahil ~]

jab vo masaruur nazar aataa hai
har taraf nuur nazar aataa hai

mai.n to maiKhvaar huu.N tuu kyo.n saaqii
nashe me.n chuur nazar aataa hai

qurb se haath uThaayaa mai.n ne
tuu ba.Dii duur nazar aataa hai

mai.n hii tanhaa nahii.n dil ke haatho.n
tuu bhii majabuur nazar aataa hai

Khaak_saarii ko chhupaane ke liye
'Wajd' maGaruur nazar aataa hai

[|V|isled You|-|]

Samajhaa Thaa Main Mujhe Kisii Qaabil Banaa Diyaa
Siraj Lakhnawi

samajhaa thaa main mujhe kisii qaabil banaa diyaa
ye kyaa kiyaa ki dard ko phir dil banaa diyaa

Gham ne taGaiyuraat ke qaabil banaa diyaa
jo dard apanii had se barDhaa dil banaa diyaa

itane muGaalate diye ummiid-o-biim ne
saahil ko mauj mauj ko saahil banaa diyaa

itanii kaDii nigaah se dekhaa na kiijiye
har rishta-e-nazar ko rag-e-dil banaa diyaa

ye kyaa banaane vaale tere jii mein aa gaii
bijali banaa rahaa thaa magar dil banaa diyaa

har zarraa rah-guzar kaa to hiiraa nahein 'Siraj'
jis mein salaahiyat thii use dil banaa diyaa

[asifshahzad]

buhat umdha

[asifshahzad]

buhat umdha sharing

[asifshahzad]

buhat umdh sharing app ki

[asifshahzad]

qurb se haath uThaayaa mai.n ne
tuu ba.Dii duur nazar aataa hai

buhat umdha sharing

[asifshahzad]

buhat umdha sharing