Classics of History - February 2011.

[Rangeela]

Salam Duniya Walo ...

kaise mizaaj haiN .... .. aaj musalsal teesrii dafa pooch chuka .. .. apne aap se ...

khair ...

History k baare meiN to aap jante hii hoNgey ... ... nahiiN jante lekin woh aap k aor duniya k baare meiN buhut achay se jaantii hai ... ...

issey likhne wala koii nahiiN, yeh khud bakhud likhii jaatii hai ... to usii taareekh k oraaq ultaiye paltaiye shayed koii kaam kii baat nazar aa jaye, aor foran share kijiye shayed uss se koii sabaq seekh ley ya kisi na kisi k kaam aa jaye kisi na kisi tarah ...

Welcome to ...


Classics of




parhiye, share aor discuss kijiye ... k kerne meiN kya harj hai ..



Hasde Wasde Rawo ...

[Rangeela]

Albert Einstein

Albert Einstein ko apni routine life meiN baqaidgii bilkul pasand nahiiN thii. Woh jab kabhii jo kuch kerna chahta, ker guzarta tha. Uss k do asool thay.

• kisi qisam ka koii asool na banayeiN.
• doosroN kii raaye kii parwa na kareiN.

itni saada zindagii basar kerta k bager istrii kiiye purane kaproN meiN ghoomta rehta. Shayed hii kabhii hat pehenta aor bathroom meiN khoob gaane gaata aor seetiyaN bajata.Violin bajane ka showqeen itna k woh aksar kaha kerta tha .. " maiN aksar music suntey hue sochta hooN aor din k waqt kheyalii palao bhii music suntey hue hii pakata hooN"

[Rangeela]

T.W.Wilson.(1856-1924) - 28th President of U.S.

Ek dafa U.S. President Wilson se kisi ne poocha " aap ko 10 mint kii taqreer kii tayarii meiN kitna waqt lagta hai "

Wilson ne kaha.."do haftay ".

"aor 1 ghentay kii taqreer k liiye " ??

"aik hafta... "

"acha agar do ghenty kii taqreer kernii ho to.. "

"maiN abhii tayyaar hooN... ", Wilson ne jawaab diiya.

[Rangeela]

yeh history likhna parhna me kii hii zim e daarii hai ...

aap logoN ne kabhii koi sabaq nahiiN ssekha taareekh se ...

[Rangeela]

kehte haiN k World War II jaarii thii. Duniya meiN har taraf khauf taarii tha. Jungii weapons kii garj aor bomb blasts ne har taraf wehshat phela rakhii thii. unhii dinoN London k ek cafe meiN kuch mufakkir aor daanishwar apne apne khayalat ka izhaar ker rahe thay k mojuda haalat kaise theek ho sakte haiN aor mustaqbil meiN insaniyat ka kya haal hoga.

lekin har kisi k lehjay se mayus zaahir thii. logoN ka kehna hai k iss mehfil meiN Bernard Shaw bhii mojud tha. uss ne tamaam logoN kii baateiN sun'ne k baad chaaye ka cup utha ker kaha.

" agar aap Mohammad ( S.A.W.W ) aa jayeiN to duniya k tamaam masaail hal kerne meiN itnii bhi deir nahiiN lagayeiN gey, jitnii deir meiN, maiN iss chaaye k cup ko khaalii karuN ga."

[*Muskaan*]

Seekha hai aur abhi bhi seekh rahe hai..
for a change mujhe is history ki class main sirf parhNa hai .. Ek hi teacher acha hota hai
Aap chaheN tho humara test le leejiye

InshALlah I will share too
Thanks Umair ji for your excellent work in this thread
Humesha khush rahiye

yeh history likhna parhna me kii hii zim e daarii hai ...

aap logoN ne kabhii koi sabaq nahiiN ssekha taareekh se ...

[Rangeela]

Seekha hai aur abhi bhi seekh rahe hai..
for a change mujhe is history ki class main sirf parhNa hai .. Ek hi teacher acha hota hai
Aap chaheN tho humara test le leejiye

InshALlah I will share too
Thanks Umair ji for your excellent work in this thread
Humesha khush rahiye

hmmmm test ... ... acha idea hai waise ...

yeh bataiye k 'history is mystery'- aisa kyuN kaha jata hai ... ... khabardar jo google se cheating kii to .. ... woh me karuN ga, jawab dekhne k liiye ...

[Rangeela]

Kaabul

kehte haiN k zamana e qadeem meiN vaadi-e-Kaabul aik buhut baRii jheel thii, jis k vast meiN aik khubsurat jazeera tha. iss jazeerey meiN aik gawaiyya rehta tha jo saara waqt gaaney aor naachne meiN guzaarta. aik baadshah iss vaadii meiN puhncha to uss ne dekha k jazeerey k ird gird gehra na'qaabil-e-aboor paanii hai. uss ne jazeerey tak puhunchne ka irada ker liiya , aor apne saathiyoN ko hukam diiya k woh ird gird aor door daraaz k gaoN se 'kaah" yaanii 'ghaas' ikathii ker k laayeiN.
ghaas aor lakrii kii madad se aik lamba pul banaya gya. baadshah ko yeh vaadi iss qadar pasand aayii k uss ne yahaN aik sheher aabaad kiiya. jis ka naam iss ne ghaas k uss pehle pul k naam per 'kaah'pul' rakh diiya gya jo baad meiN zubaan-e-aam meiN istemaal hote hote Kaabul ban gya.

[Rangeela]

Tipu Sultan - Ruler of Mysore
(1750 - 1799 )

Ek dafa ek sipahi ne Tipu Sultan se poocha k, "kya mohabbat aor Jung meiN sab jaiz hota hai ??"
Tipu Sultan ne taareekh'saaz jawaab dete hue kaha ...
"yeh angrezoN ka qaul hai. Hum to yeh kehte haiN k mohabbat aor jung meiN jo kuch ho .... woh jaiz hai" .

[Rangeela]

Sir William Blackstone ( 1723 - 1780 )

Sir William Blackstone was a British jurist, judge and Tory (British Political Party) politician of the eighteenth century.

inn hazrat ne ek dafa arz kii thii k ...

" 10 qasoor'waar chor do, lekin kisi aik be'qasoor ko saza na do ... "