aik buhut hi dilkash ghazal paRhi he abhi aur dil chah raha he jitni ye aala tareen he utna hi aala isey design kya jaey isi liye maiN nahi kar rahi

koi isey aesa design kare ke ghazal ka haq ada ho



Dayaar E Kun Sey Uth Kar Hasst MaiN Tajseem Hoti Hay....

Adam K Bad Jesey Zindagi Tafheem Hoti Hay....


Tu Qur'aaN MaiN Kammi Ka Mut'talashi Hay Bani Aadam...???

Teri Tareef Qur'aaN "Ahsan E Taqveem" Hoti Hay...!!!


Yeh Lazim Hay Sawali Par Adab Sey Muntazir Rehna....

Sada Jab Ra'd Nahi Hoti Toh Phir Tasleem Hoti Hay....


Woh Jab Bhi Kush Naseebi Ki MisalaiN Likhney Betha Hay...

Hamarey Naam Sey Pehley Koyi Tarmeem Hoti Hay...


."Suna Hay" Dair Tak SarkoN Pay Ik Maqtool Tarpa Hay...

"Suna Tha" Khoon E InsaaN Ki Bhi Kuch Taazeem Hoti Hay....


Daroon E Zaat Kuch Goshay Shikasta Tar Hi Rehtey HaiN...

Rafaqat Ik Naye Sanchay MaiN Jab Taqseem Hoti Hay....


Rag E Dil K Sulagney Ka Sabab Har Bar Aye JanaaN....

Ba Zaat E Khudh Hamari Khuahish E Do Neem Hoti Hay....!!!



Kanwal Shahab Ahmad.