Bure Khayalat Eiman Ki Alamat

[soomroamr]

(Bure Khayalat Eiman Ki Alamat)
Hazrat Abdullah bin Masood R.A Farmate hain k: JANAB R.S.A.W.W se Wiswise k bare main poocha gaya k "Dil Main Kufr o Shirk K Our Fisq o Fujoor K Jo Wiswise Aate Hain Unka Kya Hukm Hy?"
NABI AKRAM S.A.W.W NE IRSHAAD FARMAAYA.!! "Ye Wiswise Khalis Eiman Ki Alamat Hay, In Se Mat Ghabrao, aur In Ki Waja Se Mayoos Mat Hojao, Our Inki Waja Se Ziyada Pareshan Mat Hon, Kyun K Ye Khaalis Eimaan Ki Alaamat Hain"
Ek SAHAABI ne NABI KAREEM S.A.W.W se poocha k "Ya RASOOLULLAH! Baas Oqaat Hmare Dil Main Ese Wiswise Or Khayalat Ate Hain K Un Khayalat Ko Zabaan Par Lane K Muqabile Main Hamen Jal Kar Ko'ila Hojana Zyada Pasand Hai, Yaane Un Khayalat Ko Zabaan Se Zaahir Karna Aag Main Jal Jaane Se Zyaada Bura Lagta Hai..
Usk jwab main bhi RASOOLULLAH S.A.W.W NE IRSHAAD FARMAAYA.!! k
"Ye To Eiman Ki Alamat Hai"

"Shetaan Eiman Ka Chor Hai!"
Hazrat haji imdadullah muhaajir makki r.a ne iski tashreeh krte hoe farmaya k..
"Ye Wiswisa Shetaan Ka Amal Hai, Kun K Shetan Hi Insan K Dil Main Ye Wiswisa Dalta Hai Our Shetan Eiman Ka Chor Hai, Ye Tumhaare Eiman Par Daaka Dalna Chahta Hai....Chor aur Daako Us Ghar Main Daaka Daalega Jis Ghar Main Dolat Ho, Agar Dolat Hai Hi Ni To Phir Daako Daaka Kyun Dale Ga"
Lehaaza shetaan jo tmhare dil main daakhil ho raha hai ye is baat ki alamat hai k tmhare dil main eiman ki dolat mojod hai, agar ye eiman ki dolat na hoti to ye daako is ghar main daakhil na hota,,
Is waja se unse ghabrana ni chaahiae...
"Ye Jo Tum Keh Rahe Ho K Mere Dil Main Ese Wiswise Ate Hain K Unko Zahir Karne K Muqabile Main Jal Kar Marjana Zyaada Pasand Hai, Ye Andar Se Tumhaara Eimaan Bol Raha Hai, Tumhara Eiman Ye Bol Raha Hai K Baat Zabaan Se Wali Nahi, Agar Dil Main Eiman Na Hota To Ye Bat Na Hoti"
Is liae HUZOOR AQDAS S.A.W.W NE FARMAAYA.!! k "Ye To Eiman Ki Alamat Hai"..

"Wiswas Par Girift Ni Hogi"
Ek HADEES main JANAB RASOOLULLAH S.A.W.W NE FARMAAYA.!!
"ALLAH Ka Shukr Hai K Us Shetan K Makr Or Jaal Ko Wiswise Ki Had Tak Mehdood Kar Diya Is Se Agay Ni Barhaya, Ye ALLAH Ka Khas Fazal Hai K Shetaan Ki Tadbeer Tumhaare Opar Is Se Zyada Kargar Nahi Ho Rahi Hai..
Ek or HADEES main HUZOOR AQDAS S.A.W.W NE FARMAYA.!!
"ALLAH Ne Meri Ummat K Dilon Main Jo Wiswise Peda Hotay Hain Us Se Darguzar Farma Diya Hay Or UnKo Maaf Farma Diya Hai Un Par Mu'aakhiza Nahi Hoga, Albatta Amal Karne Par Mu'aakhiza Hoga..

"Wiswise 2 Qisam K Hotay Hain"
Ek wiswisa aqeede k bare main he, yane dil main shetan ALLAH ki zat k bare main wiswisa dale ya akhrat k bare main wiswisa dale k malom nahi k aegi ya nahi, is qisam k wiswison k bare main to HUZOOR AQDAS S.A.W.W NE kHUD FARMAAYA k
"Jab Tak Tum Apna Aqeeda Durust RakhoGe Phir Chahe Khayalat Or Wiswas Kese Bhi Ajaen Us Par INSHA ALLAH Mu'aakhiza Nahi Hoga.."
Or Na Hi In Khayalat Ki Waja Se Insan Kaafir Hota Hai.....
In khayalat ki wja se baas log ye smjhte hain k main shetaan hogya, main to kaafir hogya,,
Yaad rakhiae !
In wiswison k dil main aane se kuch nahi hota jab tak insaan apne dil apni zaban or apne amal se momin hai.
Lehaza admi ko mutmaim hojana chahiae..

Dosre Gunaah k wiswise or khayalat ate hain maslan,
"dil main ye khayal aata hai k falan gunah ka irtkaab karlon ya falaan gunaah karlon ya kisi gunaah ki traf tabiyat ma'il ho Rahi hai,un k bare main ALLAH TA'ALA NE FARMAADIYA k
"Agar Mahaz Dil Main Khayaal Aya Hai To Us Par INSHA ALLAH Mu'akhiza Ni Hoga Jab Tak Us Khayal Or Wiswise Par Amal Na Kar Loge"
Lehaza jab gunah k taqaze or da'iye par amal kar Loge to ye qabil e mu'akhiza or qabil e grift hai, or jab b kisi gunah ka khayal ya wiswisa aae k
"Falan Gunah Karlon" to usKa fori tor ye he k foran ALLAH ki panah mango k ya Allah !
"Mere Dil Men Is Gunah Ka Khayl Araha He Men Apki Panah Chahta Hon Ap Mujhe Is Gunah Se BachaLeejiae....."
Is trah is khayal or wiswise ka tor hojae Ga..

"Bure Khayalat K Wqat ALLAH Ki Taraf Rujoo Karo"
Jab kabhi gunah ka khayal ya gunah ka wiswisa or da'iya dil main peda ho to foran ALLAH ki taraf rujoo kr k us se panaAh manglo k
"AY ALLAH APNAY FAZAL O KARAM SAY Mujhe Is Gunaah Se Mehfooz Rakhiae"
Or us wqt apni himmat ko taza kar Lo k main gunah k is da'ae par amal nahi karoon Ga, agar ye karLo Ge to phir INSHA ALLAH ye khayalat or wiswise kuch bi nuqsaan ni karen Ge..

Wiswise ki teesri qisam agar Che mubaah hai, kyn k wo kisi gunah ka wiswisa or khayal nahi hai lekin wo khayaal insan ko kisi ibadaat or ta'at ki taraf mutawajje hone se rok raha hai,maslan
"Jese Hi Namaz Ki Niyat Bandhi Bs Us Wqt Duniya Bhar K Khayalat Ki Chakki Chalni Shuro Hogai Or Wo Khayalat Chahe Gunah K Khayalat Na Hon"
Maslan
"Khane Peene Ka Khayaal Biwi Bachon Ka Khayal Apni Rozi Ka Khayaal Tijarat Ka Khayal Ye Tamam Khayalat Fi Nafs'hi Gunah K Khayalat Nahi Hain"
Lekin,
In khayalat ki waja se dil namaz ki traf mutawajje nahi ho raha hai or in khayalat ki waja se khusho main rukawat peda ho Rahi Hai..
Choon k ye khayalat jo gher akhtiyari tor par aarahe hain or insaan k apne akhtiyar ka koi dakhal nahi hai, is liae INSHA ALLAH in khayalat par koi girift or mu'akhiza nahi hoga bal k maaf hon Ge. Albatta apne akhtiyar se baqaaida irada kar k khayalat namaz main mat lao or na dil un main lagao, bal k jab "ALLAH AKBAR" keh kar namaz shuro karo to zehan ko namaz ki traf mutawajja karo, jab sana parho to us ki taraf dhayaan lagao or jab sorat fateh parhni shuro karo to uski taraf dhayaan lagao phir dhayaan lagane k bawajod gher akhtiyari tor par zehan dosri taraf bhatak gaya or khayalat kaheen or chale gae to INSHA ALLAH un Par girift nahi hogi..
Lekin jab tunabbih hojae k main to bhatak gya to phir dobara namaz ki taraf lot ao or namaz k alfaz or azkar ki traf lot ao..
Bar bar ye karte rahen Ge to INSHA ALLAH ye khayalat ane kam hojaen Ge or is kam k zariae ALLAH TA'ALA khusho ata farmaden Ge..
BaharHaal namaz main ye jo khayalat ate hain.. Boht se log in se pareshan hote hain or in khayalt k nateeje main samajhte hain k hmari ye namaz to uthak betha hai, is main koi roh or jaan nahi hai..
Yad Rakhiae..!
"Namaz Ki Esi Naqadri Nahi Karni Chahie"
Are ye to ALLAH KA FAZAL O KARAM HAI k US NE hamain namaz parhne ki tofeeq ata farmai or is par ALLAH ka shukr ada karo or in khayalat ki waja se apni namaz ko be Kaar mat samjho ye namaz ki tofeeq to ALLAH TA'ALA KI NEMAT HAI or un gher akhtiyari khayalat ki waja se INSHA ALLAH tumhari grift ni hogi.albatta apne akhtiyar se khayalat mat lao"
Chunaa Chay hukm ye hai k QURA'AN KAREEM parhte waqt QURA'AN KAREEM KI AAYAAT main tadabbar karo ghor o fikr karo....
Ab agar "Ek Shakhs Namaz Parh Raha Hai Or Namaz Main Tilawat K Wqt QURAAN KAREEM K Israar o Hukm K Andar Ghaltan O Peechan Main Munhik He, Ye Sab Jaiz Hai Or Ibadat Hi Ka Ek Hisa Hai"
Lehaza Koi Bhi Esa Khayal Jo Ta'at Or Ibadat Khayal Ho UnKo Apne Akhtiyar Se Bhi Namaz Main Laskta Hai,,
Albatta wo khayalat jo ta'at or ibadat ka hisa nhai hain..
Maslan
"Dunya K Bare Main Khayalat K Kis Trah Dunya Kamaon, Kis Trah Kharch Karon Waghera To Is Qisam K Khayalat Apne Akhtiyar Se To Na Laen,, Khud Se Arhe Hain To Ane Do, Is Se Namaz K Khushoo Main Zarra Barabar Faraq Nahi Parta"
Haan.!
Jab dhayan is traf ajae k ye khayalat arhe hain phir bhi un khayalat ko baqi rakha or un khayalat se maze leta raha,,To ye najaiz hai..
Lehaza jab tunabbih hojae to dobara namaz ki taraf lot ao...
Hazrat Dactor Abdul Hai r.a ki khidmat main ek sahib aae or arz kia k "Hazrat Main Boht Pareshan Hon Is Liae K Meri Namazen Kisi Kam Ki Nahi....
Jab Main Sajda Karta Hoon To Us Wqt Dimaagh Main Esay Shahwani Or Nafsani Khayalat Ka Hujoom Hota Hai K Al'amaan..!To Wo Mera Sajda Kya Hoa?
Wo To Wese Hi Takren Marna Hoa,Main To Bohot Pareshan Hoon K Kis Tarah Is Museebat Se Nijaat Paon ?"
To Hazrt r.a ne farmaya "K Tum Ye Jo Sajda Karte Ho,Tumhare Khayal Main Ye Kesa Sajda Hy ?"
UsNe Kaha "Ye Sajda Srif ALLAH K Liae Hai"
Hzrat ne farmaya "K Bs Is Se Pata Chala K Ye Sajda Usi Zat K Liae He,Ye Peshani Kisi Or K Samne Jhuk Nahi Sakti Chahe Us Sajde Main Kese Hi Gande Shawani Or Nafsani Khayalat Kyn Na Aarhe Hon Lekin Ye Peshani Agar Jhuke Gi To Usi K Dar Par Jhuke Gi"
Lehaza
Ye sajda usi ALLAH k liae hai or agar ye fasid khayalat gher akhtiyari tor par aarhe hain to INSHA ALLAH ye tmhara kuch nahi bigaren ge.
"Ye ALLAH TA'ALA K Yahan Maaf Hain"...
"Khayalat Or Wiswas Main Bhi Hikmat Hai"
Dekhiae !
"Agar Hum Jese Logon Ko Namaz K Andar Ye Khayalat Or Wiswas Na Aen Bal K Bare Khushoo Khuzo K Sath Namaz Parhen K Allah Ta'ala K Ilawa Kisi Or Ka Khayal Hi Na Ae,,Agar Hum Jese Logon Ko Ye Maqam Hasil Hojae To KHUDA Jane Hmara Dimagh TAKABBUR,AJAB or KHUD PASANDI Main Kahan Pohch Jae Ga Or Ye Samaj Bethen Ge K Hum To Bohot Aala Maqam Par Pohch Gae"
Kisi ne likha hai k
"Ek Jolahe Ne Ek Martaba Do Rakaat Namaz Parh Li To Namaz K Bad Is Intzar Main Beth Gya K Kab ALLAH Ki Taraf Se Mere Opar Wahi Ati HAI"
Agar hum Main se bhi kisi ko khusho wali namaz hasil hojae to khuda nakhuwasta wo peghambri ka ya imam Mehdi hone ka dawa na karde.
Is Liae ALLAH TA'ALA zaraf dekh kr ye maqam ata farmate hain.
Lehaza khayalat k ane main bhi Allah Ta'ala ki traf se hikmat or maslehat hai...
Bahar haal is hadees ka khulasa ye he k "ALLAH TA'ALA K Yahan Dil K Khayalat Par Mu'akhiza Nahi Hai"
ALLAH TA'ALA Ki Ajeeb Rehmat Hai K Gunaah K Bare Main Ye Asool Muqarrar Farma Dia K
"Agar Gunah Karne K Bare Main Khayal Aya Or Shoq Peda Hoa Or Dil Men Thora Sa Irada Bhii Kar Lia K Ye Gunah Kar Loon Albatta Azam Or Pukhta Irada Ki Had Tak Nahi Pohncha To Is Par ALLAH TA'ALA K Yahan Koi Pakar Nahi Bal K Agar Bar Bar Gunaah Ka Khayal Ata Raha Or Insan Us Khayal Ko Dafa Karta Raha Or Is Par Amal Nahi Kia To Gunah Na Karne Par Ajr o Sawab Mile Ga Kyn K Gunah Ka Khayal Ane K Bawajod Us Ne Apne Apko Gunaah Se Bacha Lia"
Or neki k bare main ye asol muqarrar farmaya k
"Agar Kisi Neki K Bare Main Khayal Aya Or Irada Kia K Falan Neki Kar Loon,Agar Che Us Niki Ka Pukhta Irada Nahi Kia Tab Bhi Srif Irade Par ALLA TA'ALA Ajr o Sawab Ata Farmate Hain"
Maslan ye irada kia k
"Agar Muje Maal Mil Gya To ALLAH Ki Raah Main Itna Maal Sadqa Karon Ga......
Is par bi isKo sawb mile Ga.
Ya maslan ye irada kar Lia k
"Jab Jehaad Fi Sabilillah Ki Nobat Ae Gi To ALLAH K Raste Main Jehaad Karoon Ga Or Shahadat Ka Darja Hasil Karon Ga"
Is k bare main hadees shareef main hai k
"ALLA TA'ALA IsKo Bhi Shuhada Main Shumar Farmatai Hain"
Chuna Che Farmaya
"Agar Koi Shakhs Sache Dil Se Shahadat Talab Kare K
AY ALLAH.! Muje Apne Raste Main Shahadat Ka Maqam Ata Farmaiae To ALLA TA'ALA UsKo Shahiidon Hi Main Shumar Farmaen Ge Chahe Bistar Par UsKO Mot Ai Ho"
BaharHaal neki k bare main qanoon ye hai k
"Pukhta Irada Karne Se Pehle Bhi ALLAH Ajr O Sawab Ata Farmate Hain"
Or gunah k andar qanoon ye hai k
"Jab Jak Pukhta Irada Na Kare Us Waqt Tak Mu'akhiza Nahi Hoga..

Bure Khayalat K Bare Main Jo Silisla Chala Tha Yahan Par Uska Ikhtitam Hoa Chahta Hai...
DUAON MAIN YAD
SHAHAADAT KA TALBGHAAR
wajdan

[soomroamr]

......................... ..........

[faiza66]

MashAllah

Wajdan
Itni detail key saath byaan kiy hay is topic ko

JazakAllah kheir fid dunya wal aakhira

is k lye Allah aap ko
dunya o aakhirat main kaamyaabi ata frmaye

aur hmein In baatoun ko
sahi mayinoun main jaaney ki
toufeeq ata framaye Aameen

Aagey bhi isi tarah ki sharing ka intizaar rahey ga

[*Mini*]

Mash'ALLAH bohot khoob sharing hai...ALLAH PAK aapko iska bulan ddarja ata kare...Ameen Ya Rabul Al Ameen

[soomroamr]

MashAllah

Wajdan
Itni detail key saath byaan kiy hay is topic ko

JazakAllah kheir fid dunya wal aakhira

is k lye Allah aap ko
dunya o aakhirat main kaamyaabi ata frmaye

aur hmein In baatoun ko
sahi mayinoun main jaaney ki
toufeeq ata framaye Aameen

Aagey bhi isi tarah ki sharing ka intizaar rahey ga

shukria faiza ji aagay bhi esa hi hoga

[soomroamr]

Mash'ALLAH bohot khoob sharing hai...ALLAH PAK aapko iska bulan ddarja ata kare...Ameen Ya Rabul Al Ameen

kesay ho kahan hotay ho ap ka shukria

[Crystal_thinking]

for sharing...!


Indeed True.....!

[*Mini*]

yahin hoon aur kahan jana hai

kesay ho kahan hotay ho ap ka shukria

[*S.K*]

jazak allah kherum soomar