Ab Maut Se Badtar Hai

[NeemBismil]

Jo Ashk Bahay Meray,
Uski Bhi Waja Tum Ho

Dil Ne Tumhay Chaha Tha,
Aur Tumko Hi Chaahega,

Meri Ye Kahaani Bas,
Itni Hai Kay Jaanejaa'n,

Kuch Dair Ko Aajaao,
Jazbaat Jaga Jaao

Tarsa Hun Boht Tum Bin,
Tarpa Hun Boht Tum Bin,

Ye Hijr Hai Mairay Sar,
Ya Ek Angaara Hai,

Jisne Meri Hasti Ko
Bas Phoonk Kay Rakha Hai.

Ab Tum Meri Jaanejaa'n,
Ik Baat Suno Meri,

Mein Tab Bhi Tumhara Tha,
Mein Ab Bhi Tumhara Hun,

Chalte Huwe Raahon Mein,
Wo Tumse Nazar Milna,

Hans Kar Youn Guzar Jaana,
Chup Chaap Hi Murr Jaana,

Yaa Door Kaheen Aksar,
Yu Saath Mere Jaakar,

Hathon Mein Tumhara Haath,
Youn Thaam K Chal Dena,

Ye Sab Mujhay Aksar Hi,
Yaad Aata Rehta Hai,

Har Bat Tumhari Wo,
Har Yaad Tumhari Wo,

Mujhay Tanhaa Paa Kar Phir,
Nazro Mein Samaati Hai,
Mujh Ko Tarpaati Hai.

Ik Bat Suno Jaanaa'n
Mein Jee To Raha Hun Par,

Ye Zindagi Meri,
Ab Maut Se Badtar Hai.

[Abdus Samad Shaikh]

Bahot achi nazam share ki hy...acha khayal pesh kiya hy

daad hazir hy.....khush rahain

[NeemBismil]

Bahot achi nazam share ki hy...acha khayal pesh kiya hy

daad hazir hy.....khush rahain

Shukria Janab.

[Kanch Ka Dil]

bahut khoob janab
keep writing khush rahiye

[mdimran_ansari]

bahut khooob hai ji........
bahut umdah........
..........