Arkaan ki ta.adaad,naam , zihafaat, taqtee

[ishtiaq zain]

aap ki muhabatoN ke liye be had mamnooN hoon bhahi,
khushi huyi ke meri mehnat aor koshish aap ke kissi kaam aa saki,
aor is se bhi ziyada khushi huyi ke aap ko mera mushaaira paRhney ka andaaz pasand aaya,aap ne mujhey kahaaN suna yeh naheeN bataya aap ne?
aap ki dilchaspi ko dekhtey huye mujhey yaqeen ho chala hai ke aap likhtey bhi haiN,kaya mera andaaza darust hai?
agar aesa hai to meri khaaish hai ke hamaarey poet club ko join kijiye aor apne kalaam se nawaaziye,wesey to yeh post poet club hi ke sub section maiN hai,lekin phir bhi aap chaaheiN to main aap ko poet club ka link bhi de sakta hoon,
bahot khush rahiye,

MUhtaram Ishtiaq Zain Sahib

Janab! Tasleemat Arz Hain, Gar qabool Uftad...
Arka ki ta'dad, onkay naam, zihafaat, aur taqtee par aap ka mazmoon aik behtareen kawish hai jiss ki jitni bhi tareef ki jaye kam parti hai. Mazmoon billa shubah Zaban Urdu ke seekhnay aur mazeed jaan-nay waloon ke liye aik azeem khidmat hai.

Mazmoon bari umdagi aur nifasat se tehreer kerda aur sair hasil hai. Harchand k iss nau-zad-e-sukhan ke liye paichedah lekin ehmiyat ka hamil hai.

Allah se dua hai k aap ki mehnat issi tarah rang lati rahay aur khulq e khuda mustafeed hoti rahay, ameen.

Mozow se hatt ker kehnay ki maffi chahta hoon, janab ka Mushaira dekhnay ko milla aur parhanay ka andaz bohut bhaya, ji chaha ke aap parhtay rahain aur hum suntay rahain.

Bless you Sir

Wasalam

[Kanch Ka Dil]

Azeezaan-e-mehfil aadaab,
lijiye dosto hasb-e-waada aek naye mazmoon ke saath haazir hooN, umeed hai ke pichley mazaameen ki tarah aap is mazmoon ko bhi faaida mand paayeiN ge,mazmoon aap ko kesa laga please zaroor bataaiye ga,ta ke agla mazmoon aap ki aara ke mutaabiq tarteeb diya ja sakey,
duaaoN maiN yaad rakhiye ga,
duaaoN ka taalib,
Ishtiaq zain.

mai bhi kuch seekhna chati hoon ..per apki ye urdu mery ser per se guzer gai...isko easy words mai samja dijiye..asal mai na meri urdu itni achi nahi..nikami tareen student hoon urdu ki :(

[yaqut]

bohut shukrya ishtiaq sahib
mashallah bohut hee sada aur am fehm maiN zuban maiN pany bohut mushkil bat samjha dee
ayendh bhi ayesi koshish jari rakhye ga please

dua go
yaqut