dil k behlawey ko ghalib yeh khayal acha hai

[Sunehri]

Assalam o alikum

hope so k aap sab ache hon ............. aaj kafiiiiiiiiiiiii dinou baad HG aayi hon or woh bhee shayed is liye k kuch samajh nahi aa raha thaa

frankly speaking dil buhat udaas hai dil o demagh ki ban nahi rehi or is se zindagi mutasir ho rahi hai ............... abhi baithey baithey buhat kuch outt patang soujh raha hai or maazarat k saath k aap sab ko apne sir pe haath rakh k is outt patang si ajeeb o gareeb si nazam ghazal kya hai mujhe nahi pata isey hazam kerna pare ga shayed me k dil ko thora sakoon mil jaye isi umeed k saath share ker rahi hoon ...............


Mohabbat ik azeeyat hai
mohabbat sirf ik derd hai
mohabbat jeet hoti hai
mager isey haar kehtey hain
mohabbat dukh deti hai
yeh her ik pal museebat hai
mohabbat ik azeeyat hai
mohabbat sirf ik derd hai

mohabbat mein sabhi jeeney merney ki qasmein khaatey hain
mohabbat kerne waley, sapnoun k deep jalaatey hain
mohabbat bin maangey mil jaana bhee aik naimat hai
mohabbat paa k khoo janey mein bhee koi hikmat hai
mohabbat ik azeeyat hai
mohabbat sirf ik derd hai

mohabbat mein mileey derd bhe apney lagtey hain
mohabbat mein miliiii takleef hum rouz sehtey hain
mohabbat mein mitta detey hain hum apni hi hasti ko
mohabbat mein amer ho janey ki apni si koshish ho
mohabbat khuwaab ho ya koi dilchasp haqeeqat ho

mohabbat mein hai posheeda takmeel insaan ki
mohabbat qaieenaat mein qounjti awaaz hoti hai
mohabbat jeet hoti hai mohabbat haar hoti hai

yeh her pal terpaati hai
mohabbat dil jalaati hai
yeh her lamha sataati hai
nami aankhoun mein rehti hai
khamshi mujh se kehti hai
mohabbat tum nahi kerna
mohabbat tum nahi kerna

hansi apni nahi rehti
khushi apni nahi rehti
dukh humjouli ban jaatey hain
sukh hum se aankh churaatey hain

socha thaa hum ne bhee yehi
mohabbat hai nahi kerni
mager hum haar baithey hain
hum khud ko maar baithey hain

na apne nafs pe hai qaabu
na dil pe hukumraani hai
kaho tum hi mujhe humdum
yeh kaisi zindagani hai
k houn mein khud se sherminda
mohabbat meri afsurdah

jisey paaya bhee to aise
jaise sham'ma ko perwaana
usi k ishq mein jeena
usi ishq mein hai mer jaana

nazroun mein wohi chehra
ho yaadoun mein wohi manzer
woh her pal sochtey rehna
unhi ko chahtey rehna
unhi ko maangtey rehna

unhi ko kehna mere ho
unhi se sherma jaana
woh un k saath guzarey pal
hon jaisey haseen manzer

kaho tum hi mere jaana
ho kyoon nazroun se oujhal
na din ko chaain aata hai
na raat loori sunaati hai

teri yaadein teri baatein
mujhe ub zakhm deti hain
woh beetey pal suhaaney pal
hain ub mere liye aik boujh
jinhein jaana tum sambhalo
mujhe aa ker tum apna lo

tumhein paaney se khooney tak
tumhein khoo ker apn'aney tak
her ik pal thaa imtehaan
woh mera dil woh meri jaan

tumhi kaho mere humdum
mein kaise khud ko samjhaoun
k apne dil ko behlaaoun
koi to ho ujli kiran
jo dey umeed mujhe humdum

k ub mein haar baithi hoon
mein khud ko maar baithi hoon
jo ub hoon mein aise tanha
hai dil mera touta sa
jo na jurr k bhee jurr paaye
na zakhm aise k bher paayein
hain bas askhq jo behtey hain
yeh baa'rha mujh se kehtey hain

sahi kehta thaa pagal dil
sahi kehti thee meri soch
sahi kehti hai yeh duniya
mohabbat ik azeeyat hai
mohabbat sirf ik derd hai




mein nahi janti kya likha hai kya nahi bas shayed apney dil ka gubaar nikalna chaha janti hoon is mein kuch nahi sirf or sirf aap ki tanqeed k elawa yeh kisi laiq nahi mager bas apne aap ko pursakoon kerne k liye likh di or kafi hadh tak sakoon bhee aa gaya hai ..................... is liye plz aap sab se maazarat

[Pathar Dil]

tanqeed se hi to insaan seekhta hia or wo insaan ko acha kaam karney per uksaati hia...
aap ney jo b likha wo "khud kalaami" k ek andaaz hai shayed...me to shayer nahi hon...isliye ziada gehrai me nahi ja sakta...sirf itna kahon ga ager shayari likhni hai to koshish karen k shaayeri k maayaar k qareeb qareeb ho...kyon k her cheez ka apna muqam hota hia...Bahut Nawazish...Khush Rahen...

[Stubborn Lioness!]

hmmm...
SHAIIRI SUCH BOLTI HAI...
bohttt pyari koshish hai sis jee...
ahista ahista flow bhi ata jaega...
keep Shaiirii...
and Be happyUdas nahiN honey kaaa na...

[ZeroDialer]

Masha Allah Bohat Achee Sharing

[albeena]

subhan allah kya khoob andaz hai

[Haya n]

+) No Doubt Aap Mai'n Aik Achi Poetess Chupi Baithi Hay...Aap Isi Tarha Likhti Rahee'n To Aik Din Insha Allah Bouhat Umdagi Say Likhnay Lagai'n Gi...Khayal-e-Nazm Bouhat Hi Khoobsurat Hay Sirf Rawani Ki Kuch Kami Hay Jo Insha Allah Khud Ba Khud Door Hoti Chali Jaey Gi...Bouhat Si Daad Bouhat Si Duao'n Kay Saath Qubool Kijiye...+)

[Yasmin Ahmad]

app ka mohabat nama bohat khub hai...................... ...

[N@R@z]

Achai Shairing Hain..................... .....

[Kanwal Hussain]

sunehri
bohat acha laga bohat apna laga
ehsas ka naam shairi hai aur aur ehsas kisi qaid
ko kab manta hai....so sweto..jo likha bohat acha laga
khush raho..hamesha[aamin]