GHAZAL-bahut khafa hai.n wo aaj hamsey hamei.n bas itanaa jataa rahey hai.n

[Govind Gulshan]

na lafz koyii,na lab pe jumbish,kalaam aa.Nkho.n se ho rahaa hai
unhei.n ham apnii sunaa rahey hai.n,hamei.n wo apnii sunaa hai.n

wah, buht piyari ghazal kahi hay, buht nice, lutf aya parh kar...
buht si dad ap ki is ghazal k nam

zarra nawaazi ka shukriya Rahi ji
aap sab kii mohabbatei.n jab
mujh tak pahunchti hai.n to dil ko
bahut sukuun milta hai

[Govind Gulshan]

buhat umdha ..............

bahut-bahut shukriya asif saheb

[Govind Gulshan]

umda ghazal hy,lutf agya.

shukraguzar huu.N aapka ke
aap ko ghazal pasand aayi

[Ankaboot]

bohat khoob ji, bohat zabardast

[zaf]

boht khub govind ji!
itni khubsurat ghazal k lye daad hazir hai.

[Govind Gulshan]

bohat khoob ji, bohat zabardast

aadab janaab
zarra nawaazii ka shukriya

[Sab_ka_pyara]

GHAZAL

bahut khafa hai.n wo aaj hamsey hamei.n bas itanaa jataa rahey hai.n
hamii sey nazarei.n milaana siikhey hamii sey nazarei.n churaa rahey hai.n

giraa-giraa kar dilo.n pe bijalii kamaal apnaa dikhaa rahey hai.n
kabhii wo pardaa uThaa rahey hai.n, kabhii wo pardaa giraa rahey hai.n

ajab tamaasha hai ye mohabbat khilaaye kyaa gul khuda hii jaaney
likhaa thaa hamne jo khuun-e-dil sey wo aa.Nsuo.n se miTaa rahey hai.n

hai unkey hoTo.n pe jaam-e-sehbaa,hamaarii qismat mei.n chand aa.Nsuu
wo apnaa mousam banaa rahey hai.n,ham apney gham ko bhulaa rahe hai.n

na lafz koyii,na lab pe jumbish,kalaam aa.Nkho.n se ho rahaa hai
unhei.n ham apnii sunaa rahey hai.n,hamei.n wo apnii sunaa hai.n

GOVIND GULSHAN

gOVIND JEE AAPKI YE QAVITA BHI SITARO'N SE
ZYADA SUNDAR, CHAND SE ZYADA RAUSHAN, AUR
SURAJ K UJALEY KI TARAH CHAMAK RAHI HAI,
BOHT HI JANDAR TEHREER HAI, GHAZAB KA MAIYAR HAI,
ITNE BEHTREEN ANDAZ SE HAR SHAIR K DONO MISRON KA
INTERRACTION BANAYA HAI, K JEE KHUSH HO JAYE.
KAMAL E FUNN CHHALAK RAHA HAI,
HG TO KHUBSURAT HO GAYA ISS KAAVISH SE
BOHT KHUSH RHAIN BHAI JEE................

STARS BHI AAP K LIYE

[saraabs]

Govind ji....aap ki kia baat hy....har ghazal ek se baRh kar ek kehte haiN aap....ye ghazal bhi aap ki deegar ghazloN ki tarah behad pasand aayee...so bharpoor daad qubool kijye

[Poeticdreams]

Ghazal kay ashaar aur aahang dono hi buhat pasand aaey meri buhat si daad aap ki nazr.

[_Rahi_]

ajab tamaasha hai ye mohabbat khilaaye kyaa gul khuda hii jaaney
likhaa thaa hamne jo khuun-e-dil sey wo aa.Nsuo.n se miTaa rahey hai.n

Govind bhai jan kamal hay. Kiya khoob alfaz k tanay banay milatay hain aap. Maza aa gaya. Aap ki ye ghazal parh k aik new idea mila hay jald hi aap sey share keron ga.