Jawaab-e-Aashiqana

[Rahi_]

As-Salaam-o-Alaikum. Apnay jazbaat ko nazm k andaz main dhaala hay bas aur kuch nahi.
--------------------------------------------------------------------------------------

Ye Khaak Sey Bhari Zamee'n
K Jis Pe Koi Na Makee'n
Ye Kion Bani?
Ye Kion Bani?
Jawaab Hay Bhi K Nahi?
----------------------
Sawaal Main Ghuroor Tha
Jawaab Bhi Zaroor Tha......!
--------------------------
Bohat Haseen Shaam Thi
Hawa Bhi Khush-Gawaar Thi
Fazaaon Main Suroor Tha
Ghataaon Main Ghuroor Tha
Nashay Main Mast Shajr Thay
Sujood Main Wo Hajr Thay
Haan Khaak Sey Falak Talak
Thi Chaandni Chatak Chatak
Thi'n Behr-o-Bar Main Shookhiyan
Zamee'n K Zar Bhi Thay Ayaa'n
Ayaan'n Kuch Aisay Rang Thay
K Rang Khud Hi Dang Thay
Thin Kul Jahan Main Naymatain
Baras Rahi Thin Rehmatain
Hawa K Doosh Per Suni Gayi Thin Kuch Sadaayen Bhi
Na Sirf Wo Suni Gayin, Suni Gayin Duaayen Bhi
K Jin K Lafz Lafz Main Thin Kull Jahan K Lazzatain
Thin Azmatain Hi Azmatain, Un Azmatoon Main Lazzatain
Wo Lafz Kiya Kahay Gaye K Jhoom Uthin Samaa'atain
Zameen K Mard, Aurtoon! Tumhain Milain Gi Izzatain
------------------
Wo Kull Jahaan Ka Baadshah
Jisay Sabhi Kahain "KHUDA"
"WO JO KISI SEY NA BANA"
"USI NEY SAB DIYA BANA"
Usi Ney Kaayinaat Ko Wo Gohr-e-Zoofishan Diya
Kamaal Mah-numa Diya
Azeem Rehnuma Diya
Jisay Qur'aan Ney Kaha Hay "Rehmatullil'Aalameen "
Chuni Gayi Thi Is Liye Ye KHAAK Sey Bhari Zamee'n
Samajh Main Aaya Ya Nahi......???

[Kanch Ka Dil]

Asalam O Alaikum,

umdah koshish hai..asey hi likhtey rahiye..

waslam

[Abdus Samad Shaikh]

Walekumsalaam

bahot khubsurat likha hy......daad qabul kijye
khush rahain

[Rahi_]

Asalam O Alaikum,

umdah koshish hai..asey hi likhtey rahiye..

waslam

Jazaak'Allaah

[Rahi_]

Walekumsalaam

bahot khubsurat likha hy......daad qabul kijye
khush rahain

Aap Bhi Khush Rahain. Aameen.

[mdimran_ansari]

W-assalam.......
Bahut hi umdah nazm........
Dher sari daad qubool kijiye..........
jazakallah kheir..........