tarahi Ghazal Competetion for Tag & Non Tag Holders- September 2012

[Kanch ki Mehroo]

Admin please ye thora define kr dain k ye sb kya hay or kya krna hay ???

qawaafii---dua,saza,luTaa,utha,saja. ....etc

radiif---------------do to maza aa jaaye

behar-------------behar-e-ramal musamman makhboon mehzoof
arkaan---faailaatun,failaatun,fail aatun,felun yaa failun
vazan----------2122,1122,1122, 22 yaa 112

aik dafa sb theek say samajh aa jae than problem nahi hogi

Assalam-o-Alaikum;

Muskan qawaafi, radeef, behr, arkaan aur wazn, yeh sab shaayeri maiN ist'emaal honay wali aam istalaahaat haiN.. maiN koshish karti hooN k yakkay baad deegray in sab ko aam fehm andaaz maiN aap k gosh guzaar kar sakooN..

Qawaafi: yeh "qaafiya" ki jama hai.. aur qaafiya means ham sooti (aik jaisi aawaz walay) alfaaz.. jaisa k mila, gila, sila waghaira.. qaafiya ghazal k pehlay shair k donoN misroN, aur baqi har shair k doosray misray maiN ist'emal hota hai..

Radeef: aisa lafz/ya alfaaz jo ghazal k pehlay donoN misroN aur baqi har shair k doosray misray maiN ist'emal hoN, radeef kehlatay haiN.. qaafiya k fauran baad radeef ka ist'emaal hota hai.. jaisa k mere yeh ash'ar mulaahiza farmaiye;

dil dard say niDhaal raha, umr bhar raha..
phir bhi tera khayaal raha, umr bhar raha..
sochaiN kisi azaab ki muThi maiN reh gayeeN..
dhaRkan pe ik malaal raha, umr bhar raha..

in ash'ar maiN niDhaal, khayaal aur malaal qawaafi haiN.. jab k "raha, umr bhar raha" radeef hai..

behr/wazn: behr ka matlab hai misroN ki lambaai.. ghazal k hawalay say kuch makhsoos bahoor (behr ki jama) hoti haiN jin k mutaabiq hi ghazal goi ki jati hai..

arkaan: har behr ko us maiN shaamil arkaan (rukn ki jama) ki madad say pehchaana jata hai..

taqti: jis tarah har cheez ki paimaaish ka aik aala/tareeqa hota hai.. jaisa k waqt ki paimaaish k liye ghanta, minutes aur seconds ya lambaai ki paimaaish k liye meter ka paimaana ist'emal kiya jata hai.. isi tarah behr ki lambai/wazn jaanchnay k liye jo paimana is'tmaal hota hai, usay taqti kehtay haiN.. isi say ilm hota hai k mazkoora sh'air wazn maiN hai ya nahiN.. misra-e-tarah ki misaal saamnay rakhtay haiN;

behar-------------behar-e-ramal musamman makhboon mehzoof - yeh misra-e-tarah ki behr ka naam hai
arkaan---faailaatun,failaatun,fail aatun,felun yaa failun
wazn----------2122,1122,1122, 22 yaa 112 - yeh wazn taqti k zariye nikaala jata hai

wazn aur taqti k liye mazeed m'aloomat aapko mandarja zail tutorials say mil jayeN gi;

http://forum.urduworld.com/f2796/ilm...tareeqa-27923/

http://forum.urduworld.com/f2796/ilm...-hissa-332597/

kuch samajhnay maiN dushwari ho to maiN hazir hooN..
salamat rahiye

[Kanch Ka Dil]

Asslam O Alaikum,

My sweetoo Mehroo...JAZAKALLAH dear ...apney bahut hi khubsurat way mai sab samjhaya hai..umeed hai ab sab members ko unkey sawal ka jawab mil gaya hai or wo samjh jain gey.....bahut bahut shukria meri piyari si sehli

khush raho abad raho

Waslam

[kute muskaan]

w.salam thx alot.. your ans cleared me many things.. i will try to keep these things in mind while m writing poetry for UW competition...

2. UW per login bohat jaldi expire ho jata hay or her 5 minute per again login krna perta hay.. isko ap free kr dain k jub tak member khud sign out na kray to ye expire na ho.

3.. yahan koi Admins ya members may say LOHAY ya PATHAR k dil wala ye dil wali nahi hay sb kaanch k he hay pho pho pho pho...

[Kanch Ka Dil]

Asslam O Alaikum,

Muskaan g ap help section mai ye thread laga dain...mai ne note bhi ker li hai.....per as u know keh ye thread asey problems k liye nahi hai.ya ap PM ker k apna masla bata saktey ahin Admins ko..umeed hai ap understand karain gey..khush rahain
so yahan thread se related replies kijiye...ab iss per koi reply nahi aey plzzz...thread ka maqsad khatam ho jata hai
thnx
khush rahain
Waslam

[baig g]

Wa Salam
Nice activity
jab b waqt mila,aa jayen gay
thanks

[kute muskaan]

ASSALAM O ALAIKUM

what a competition ... surprised me... im here first time... i saw here VIP MEMBERS, URDU WORLD POETS, CHAMPIONS, ETC WITH TAGS,,, BUT STILL NOT A SINGLE COMPETITION GHAZAL APPEARING HERE PHO PHO PHO PHO PHO... I THINK 25TH KO HE KUCH POST HOGA YAHAN ...

2. MAY ISS LIAY POST NAHI KR RAHA K MAY RULES FULLY UNDERSTAND NAHI KR PAYA,,,

[Abdus Samad Shaikh]

Aadab
Tarahi Ghazal competetion ho aur ham shamil na hon, ye ho hi nahi sakta phir hamain jeet milay na milay aur baat hy. " Abd ka bus nahin koi jab tak na ho Al'Samad razee-Voh razee ho jayae to ham ne jeet li bazee"

Raah se apnee hata do to maza aajayae
tum hamei.n zehar pila do to maza aa jaaye

Ham pe skta sa hai tari me'ri jaN kab se
Tum kisi tarah rula do to maza aajayae

Qabil e zikr to ausaf nahiN haiN mere
KhubiyaN phir bhi gina do to maza aajayae

Jo tasavvur hai tumhara rag e jaaN maiN meri
Us ko tasveer bana do to maza aajayae

Hai yahaN kon kisi ka bhari dunya maiN
Tum kabhi aa ke bata do to maza aajayae

Jis ko thukraya hai apnoN ne kabhi ghairoN ne
Khud usay apna bana do to maza aajayae

Aan bethe haiN jo mehfil maiN raqeeb in ko
Apni mehfil se uthaa do to maza aajayae

Badah khwari ka na tha shouq kabhi bhi mujhko
Jaam vahdat ka peela do to maza aajayae

Raas aati nahin tariq fiza mujh ko 'Samad
Tum jo zulmat ko ziya do to maza aajayae

Abdus Samad Shaikh

• 
  
  • 
    

[kiran_habib]

K K D
Asslamualycum
Pleas ye batadain k muqablae tarah-e- gazal kahan post karain agar aap batadainge to hum bhi shirkat karlainge.
thank you.

kiran Habib

[Kanch Ka Dil]

Walaikum Asslam kiran
Ap ney apni sharing yahin issi thread mai post kerni hey

[kute muskaan]

may tera hon ye bata do to maza aa jae
hath perhna he sikha do to maza aa jae

teray milnay pe jo ye dil tha motmaeen bohat
dil ko phir wesa bana do to maza aa jae

mera her lamha khizaon may basar hota hay
khud say ik baar mila do to maza aa jae

yoon to hota hay teray naam ka charcha her jaa
khud ko gum naam bana do to maza aa jae

ye to pagal hay, dewana hay, suno ay logo
tum ye dunya ko bata do to maza aa jae

hum to peetay hain teray naam ki janaan aksar
apni ankhon say pila do to maza aa jae

kab hay mumkin na milain zakham bewafaon say
tum yehi rasm nibha do to maza aa jae

rahay na khof bicharnay ka hamesha k liye
mujhse say wo yaar mila do to maza aa jae

gham-e-dunya he gham-e-yar say wabasta hay
ghum say tum jan chura do to maza aa jae

jesay dil mera dukhaya hay hamesha tumne
apnay dil ko bhi dukha do to maza aa jae

tumne bheja hay odasi may bhara phir ik jaam
tum hamay zehar pila do to maza aa jae

hum rahain sath sada dunya k in melon may
hath phela k dua do to maza aa jae

ye jo tanhai ka dasna kabhi likhta hon Munir
mujh ko tahai bhula do to maza aa jae

Munir - Kute Muskaan